Segundo explicou este mércores o alcalde, como norma xeral a máscara non é obrigatoria no centro de traballo máis se aconsella o seu uso por persoas con síntomas, vulnerables ou que sexan contacto estreito dun positivo. Tamén cando estean en condicións insuficientes de ventilación ou non se garanta o mínimo de metro e medio de distancia interpersoal.
O servizo municipal de bombeiros conta con 16 novos efectivos que xa están a traballar. Ademais, en próximas semanas vanse sumar 15 novos profesionais a través dunha bolsa de emprego para interinos. Polo tanto, o Concello contará en breve con 31 novos bombeiros.
Segundo informou Abel Caballero este venres, o goberno de Vigo aprobou o nomeamento de dezaseis funcionarios para o corpo de extinción e ultima a creación dunha bolsa de traballo coa que cubrirá outra quincena de postos nos Bombeiros de forma interina.
O alcalde informou este luns do inicio do procedemento ao que se presentaron máis de 2.000 aspirantes a ocupar algunha das prazas en diferentes categorías: arquitecta/o técnica/o, diplomada/o social, administrativo xeral, auxiliar de administración xeral, oficial ou subalterna/o.
A Xunta de Goberno Local aprobou a bolsa de emprego para nomear a diplomados en Traballo Social como interinos. Hoxe venres, Abel Caballero avanzou que a próxima semana prevé sumar oito profesionais á xa contratada en novembro, un reforzo total de nove traballadoras sociais para afrontar o aumento de demanda dos servizos sociais pola pandemia.
A administración que preside Abel Caballero cubrirá quince vacantes no corpo de extinción, doce de quenda libre e tres de promoción interna. Con protocolo Covid, optan 408 candidatos das que 18 son mulleres, logo de que o Concello, por primeira vez, adaptara os requisitos das probas físicas para facilitar a súa incorporación.
Citados no Ifevi, o BOP publica este venres a data -a expensas dos protocolos Covid, segundo anotou o alcalde- e as listas provisionais de candidatos. 419 persoas solicitaron optar a unha das doce vacantes de acceso libre, ás que se engaden outras tres de promoción interna e catro prazas máis de condutor-bombeiro.
A Xunta de Goberno Local deu o visto bo á concesión directa de subvención á Diocese Tui Vigo para a restauración desa infraestrutura que se atopa deteriorada. Ademais, aprobou axudas para o atletismo e a lista de admisión e exclusión da Oferta de Emprego Público para a categoría de condutor bombeiro.
A Xunta de Goberno Local deu luz verde á posta en marcha do programa municipal para arrumbar medianeiras e outros elementos verticais con incidencia sobre a vía pública ao abeiro do cal xa se realizaron 133 murais na cidade.
Co obxectivo de facilitar o acceso das mulleres ao corpo de bombeiros, o goberno local adaptará as probas físicas modificando parámetros “inxustos” de imposible cumprimento para as mulleres. Así será na Oferta pública de emprego do 2017, 2018 e 2019 que o Concello está a desenvolver nestes momentos.