O goberno local rehabilita o entorno das prazas da Princesa e Argüelles

luns, 26 xan 2015

O alcalde visitou este luns os traballos de mellora e reposición de espazos públicos no Casco Vello, unha reforma que supera os 262.000 euros e afecta ás prazas da Princesa e de Argüelles e ao seu entorno. A remodelación contempla tamén os locais e espazos soterrados entre Abeleira Menéndez e a Praza de Argüelles, cun tratamento homoxéneo das fachadas para integralos no conxunto da Porta do Sol.

O Concello investirá 230.000 euros na recuperación artística dunha veintena de medianeiras na cidade

venres, 9 xan 2015

A partir da próxima semana as comunidades de veciños interesadas en mellorar artísticamente unha medianeira do seu edificio deberán poñerse en contacto co Concello para participar no plan para mellorar paramentos exteriores que ven de aprobar o goberno local. Concretamente, deuse luz verde a un investimento de 230.000 euros que servirán para embelecer unha veintena de medianeiras nesta primeira fase, tal e como explicou o rexedor.

O alcalde anuncia unha "acción cultural notable" para abrir en febreiro o Centro de Arte Fotográfica de Vigo

luns, 22 dec 2014

Caballero visitou este luns o futuro Centro de Arte Fotográfica de Vigo, que o goberno local prevé inaugurar en febreiro cunha actuación "moi notable", unha "acción cultural da maior importancia" coa que "queremos que toda a cidade veña", indicou. O rexedor eloxiou a "rehabilitación" do edificio e o traballo da tenente de alcalde, Carmela Silva, responsable da área de Cascos Históricos.

Caballero eloxia o inicio da recuperación do Berbés, "unha débeda da cidade consigo mesma"

luns, 22 set 2014

Concello de Vigo e Xunta de Galicia, como partícipes do Consorcio Casco Vello de Vigo, e a Universidade de Vigo asinaron este luns o protocolo de cesión de tres inmobles na praza do Berbés, que acollerán a nova sede da institución académica viguesa nun prazo aproximado de tres anos. Caballero recordou o investimento municipal no Casco Vello nos últimos anos, superior aos 30 millons de euros.

Silva invita á cidade á inauguración do baluarte da muralla de O Castro o próximo xoves 31 de xullo

luns, 28 xul 2014

A concelleria de Patrimonio Histórico, Carmela Silva, avanzou esta mañá que o próximo xoves 31 de xullo, ás 12,00 horas, inaugurarase o baluarte da muralla de O Castro construida a mediados do século XVII. En rolda de prensa, a tenene de alcalde tamén anunciou que o Centro de Interpretación do Mundo Romano de Mirambel estará incluido no programa "A Noite Branca" polo que permanecerá aberto o día 8 de agosto de 20,00 a 02,00 horas.