O alcalde anima á cidadanía a visitar a Galería subterránea e o polvorín do Castro
As visitas guiadas á fortaleza de O Castro proseguen con éxito na cidade e xa son case 6.000 as persoas que presenciaron a recreación da gran batalla naval de 1719. Abel Caballero lembrou que que os percorridos son gratuítos e concértanse a través do 010.
Abel Caballero lembrou esta mañá que seguen con éxito as visitas guiadas á Galería subterránea e o polvorín do Castro. Tal e como explicou, as rutas guiadas funcionan para o público en xeral de martes a xoves, entre as 17,00 ás 19,00 horas. Os sábados abren de 11,00 a 13,00 e de 17.00 a 19,00 horas, mentres que os domingos pódense visitar de 11,00 a 13,00 horas.
O alcalde animou a toda a cidadanía a percorrer os túneles, presenciar a gran batalla naval de 1719 e o asedio á fortaleza. As visitas son gratuítas e concértanse a través do 010.
O proxecto de musealización de O Castro contou cun orzamento de 1,4 millóns que financiou o Goberno de España. Durante os últimos catro meses de 2023 case 6.000 persoas realizaron esta visita.