O Concello quere que se adopte a solución "máis rápida" das dúas alternativas propostas pola Xunta de Galicia hoxe para trasladar auga da conca á presa que abastece a Vigo e a súa área. Ademais a Xunta comprométese a reducir o caudal ecolóxico en canto realice os informes pertinentes.
O alcalde acudiu esta mañá a Augas de Galicia para trasladar o "gravísimo" problema que está a atravesar a área de Vigo con motivo da seca. Tal e como avanzou nunha rolda de prensa previa, a continuación, Caballero trasladará aos alcaldes dos municipios abastecidos desde Eiras as conclusións deste encontro.
Caballero transmitiulle ao goberno autonómico a súa preocupación pola escaseza de auga e criticou a súa "inactividade total que pode ter gravísimas consecuencias" na cidade. Demandou con urxencia a construción do azud e a rebaixa do caudal ecolóxico de Eiras.
O alcalde anunciou hoxe martes a adopción de novas actuacións para minorar o gasto de auga na cidade, que se engaden ás xa en vigor. Así, o goberno vigués pecha as duchas e lavadoiros das praias, as instalacións ornamentais en VigoZoo e suprime o rego nos campos de fútbol de herba sintética, entre outras.
Reitera a petición ao goberno autonómico para reducir o caudal ecolóxico do encoro de Eiras e recomenda á cidadanía consumo responsable, explicando que coa adopción de medidas cidadás e a redución dos baldeos xa se aforrou un 3,3% no consumo.
O goberno vigués está a adoptar medidas para evitar a erosión do solo afectado pola vaga de lumes da anterior fin de semana. Informou o alcalde da adquisición de tea biodegradable que actuará como barreira e da distribución de 34 toneladas de palla seca polos montes. Caballero anunciou a apertura dunha oficina municipal de asesoramento aos afectados polos lumes.
O alcalde e o director xeral de Vego Supermercados asinaron o convenio de colaboración da entidade co programa municipal "Camiño a Camiño" no Mercado do Progreso, onde presenciaron os talleres cos que os escolares vigueses aprenden sobre alimentación saudable.
O voluntariado municipal no arquipélago suma 1.000 participantes ao longo de 2016 que realizan tarefas de protección, conservación e sensibilización, segundo informou o alcalde que destaca a "presenza permanente" do Concello nas Cíes.
O alcalde destacou esta mañá a excelente calidade das augas das praias que o Concello vén de habilitar para uso dos cans. Aos areais de Foz e Calzoa unirase unha máis en breve, segundo avanzou o rexedor.
O rexedor explicou este venres que a falta de auga no río Lagares se debe a un "fenómeno natural singular" polo que a auga da conca se filtra ao subsolo e que xa se está recuperando.