Caballero anima aos nenos a coidar e protexer as Illas Cíes "para que dentro de 2.000 anos permanezan igual que agora"
Centos de escolares participan hoxe e mañá nos talleres "Illas Cíes, Patrimonio da Ciencia", na Porta do Sol.
![1538656977cies.jpg 1538656977cies.jpg](https://xornal.vigo.org/storage/xornal-historico/medi/xornal/noticias/imx/opt/1538656977cies.jpg)
Un centenar de nenos participaron esta mañá nos talleres "Illas Cíes, Patrimonio da Ciencia", na Porta do Sol. Esta actividade, que forma parte da candidatura das illas á Unesco, achega a nenos e maiores durante todo o día de hoxe e mañá dunha forma amena e educativa as peculiaridades científicas que fan que este espazo mereza ser nomeado Patrimonio da Humanidade.
"Conseguir este nomeamento é importante para que as Illas Cíes estean dentro de 2.000 anos tal e como están agora e tal e como llas atopou o emperador Julio César hai dous séculos", explicou o alcalde aos nenos.
Caballero animou aos participantes a poñer o seu granito de area neste obxectivo "coidando a flora e a fauna das illas en todo momento". E desexou aos nenos que "cando sexades maiores e quizais vos convertades en investigadores, científicos, xornalistas ou, mesmo, alcaldes desta cidade, sempre teñades presente a necesidade de seguir coidando deste tesouro".
Os talleres, nos que os nenos realizan diversos experimentos científicos, están abertos hoxe e mañá pola mañá aos escolares e polas tardes, de 17.00 a 20.00 horas, a todo o público.
Descargar todas as imaxes
"Conseguir este nomeamento é importante para que as Illas Cíes estean dentro de 2.000 anos tal e como están agora e tal e como llas atopou o emperador Julio César hai dous séculos", explicou o alcalde aos nenos.
Caballero animou aos participantes a poñer o seu granito de area neste obxectivo "coidando a flora e a fauna das illas en todo momento". E desexou aos nenos que "cando sexades maiores e quizais vos convertades en investigadores, científicos, xornalistas ou, mesmo, alcaldes desta cidade, sempre teñades presente a necesidade de seguir coidando deste tesouro".
Os talleres, nos que os nenos realizan diversos experimentos científicos, están abertos hoxe e mañá pola mañá aos escolares e polas tardes, de 17.00 a 20.00 horas, a todo o público.