O alcalde de Vigo informou este luns de que a campaña "Vas ao paraíso, volve deixando un paraíso. En Cíes, nin residuos, nin lixo" ten unha boa acollida e permitirá repartir 20.000 bolsas de reciclaxe. Esta cuarta edición da iniciativa entrega aos viaxeiros un pack con tres bolsas diferenciadas en función do tipo de residuo.
Abel Caballero anunciou este luns que remitirá de inmediato unha carta ao presidente da Xunta de Galicia para que retire a candidatura das Illas Atlánticas a Patrimonio da Humanidade. O alcalde de Vigo mencionou os problemas existentes en Ons, onde os veciños están en contra, e en Sálvora, cun vertido de residuos na mesma área mariña.
A pasada fin de semana, o Concello emprazou un posto de información e recollida de firmas da candidatura no festival O Marisquiño, onde plasmaron a súa rúbrica "miles" de persoas, segundo afirmou o alcalde. Abel Caballero preguntouse "cantas sinaturas ten a candidatura da Xunta" para Illas Atlánticas e recordou a oposición dos veciños de Ons.
Malia que as presas de Eiras e Zamáns rexistran un bo nivel de auga, Caballero apela á responsabilidade cidadá ante as previsións de tempo seco e a falta do transvase de emerxencia "prometido" pola Xunta de Galicia. <br />
Segundo explicou, trátase dunha campaña de concienciación colectiva sobre a necesidade de eliminar os plásticos da vida diaria. Amais, Cabalero referiuse á ordenanza para eliminar o tabaco das praias de Samil, O Vao e as Illas Cíes.
A medida tamén será efectiva no estadio municipal de Balaídos, segundo avanzou este luns o alcalde. Abel Caballero anunciou o peche da consulta cidadá logo de ter recibido 48.000 votos, cunha posición "maioritaria e masiva" -ao redor do 80%- favorable a declarar estes areais e o estadio como espazos libres do fume do tabaco.
O alcalde visitou este luns en Samil o dispositivo de accesibilidade, composto por cadeiras e muletas anfibias que posibilitan, coa axuda dun equipo de cinco profesionais, o baño das persoas con mobilidade reducida, ademais do acceso e saída dos areais. No 2018 se facilitaron uns 500 baños grazas a este servizo municipal.
A cifra supera o 82% para o estadio municipal de Balaídos, segundo revelou hoxe martes Abel Caballero, quen ve unha posición "moi contundente" na cidade a favor de liberar de fumes Balaídos e algúns areais, como Samil ou os das illas Cíes. O alcalde considera que, con esta "altísima porcentaxe" de voto, a consulta ofrece un resultado que pode considerarse xa "definitivo", a falta do último dato da próxima semana.
O alcalde en funcións apuntou este venres que o resultado da consulta pública aberta na web municipal sobre a posibilidade de que Balaídos e algúns areais sexan espazos libres de fume "empeza a ser bastante consistente".
O Concello dedica case medio millón de euros anuais á prestación do servizo de salvamento e socorrismo en 10 areais, un dispositivo que comeza a funcionar este sábado. Dende hoxe está operativa a unidade de costa e praia da Policía Local con 17 axentes.