O alcalde reuniuse este luns cos científicos encargados dos relatorios. Este mércores ás 21 horas na Praza da Constitución comezan as xornadas divulgativas coa proxección dun documental sobre os fondos mariños das Illas Cíes, con bloques sobre a maragota, os tiburóns e as centolas.
Abel Caballero foi o encargado de izar este luns a Bandeira Azul da praia de Argazada nun acto que contou coa presencia de parte do dispositivo de salvamento, socorrismo e Policía Local despregado durante os meses de verán nos areais vigueses. O Concello de Vigo xa ten en marcha este servizo nas praias con 26 socorristas e 10 axentes.
Na inauguración do I Congreso "Cíes Patrimonio" o alcalde destacou o apoio social e científico do que goza a candidatura, "esenciais para que logremos a máxima protección". Un dos poñentes, o experto Jorge Cortés, valorou o "rigor científico" do proxecto impulsado por Vigo e mostrouse seguro do seu éxito. <br />
"Vigo converterase durante estes días na capital mundial da ciencia", destaca Caballero. Vigo acollerá do 20 ao 22 de xuño o VI International Symposium on Marine Science (ISMS), que albergará un total de seis congresos simultáneos, entre eles o I Workshop "Patrimonio Cíes", e que contará coa presenza de case 500 especialistas de todo o mundo.
O alcalde avanzou este luns que o Boletín Oficial da Provincia de Pontevedra (BOPPO) xa publicou a designación da Foz e A Calzoa como praias para cans. Os dous areais xa foron sinalizados e delimitados para que os animais poidan desfrutar durante todo o ano. Ademais, o Concello estuda dúas novas zonas para esparexemento canino na cidade.
Abel Caballero felicitou á cidade por obter de novo todas as distincións azuis solicitadas para as praias e sendeiros de Vigo, bandeiras que recoñecen, entre outros aspectos, a limpeza dos areais, o coidado, a vixilancia, o salvamento ou a atención médica.
A Xunta de Goberno Local aprobou o informe no que quedan delimitadas as praias da Foz (esquerda) e A Calzoa como zonas de esparexemento canino. O alcalde avanzou que a partir de agora os donos dos cans poderán utilizar os dous areais todo o ano e destacou que queda excluída a zona rochosa da Calzoa.
O alcalde presentou este mércores a nova edición da Andaina polos Montes de Vigo, o 13 de maio, que este ano suma a reforestación aos seus obxectivos tras a vaga de lumes do pasado mes de outubro. As inscripcións, abertas para os catro percorridos, de entre 7 e 39 quilómetros.
Abel Caballero mantivo na tarde do mércores un encontro con Isabel García Tejerija para abordar solucións ante os problemas de abastecemento de auga aos municipios. Logo da reunión, o presidente da FEMP insistiu na necesidade de axilizar "porque é posible que teñamos pouco tempo para tomar decisións. Todo sinala que o cambio climático xa está aquí".
O alcalde e presidente da FEMP, quen se reunirá este mércores coa ministra de Medio Ambiente, asegurou que é preciso garantir o abastecemento de auga a núcleos urbanos para evitar situacións como as vividas en Vigo hai uns meses. Na súa axenda en Madrid, Caballero tamén citarase coa alcaldesa, Manuela Carmena.