Abel Caballero, acompañado do concelleiro de Persoal, Carlos L. Font, encontrouse este xoves con representantes da ONG Amigos da Terra, co gallo da celebración do Día Internacional do Medioambiente. A reunión tivo lugar na Praza do Rei, onde os ecoloxistas trataron co alcalde e Presidente da Rede de Cidades polo Clima os asuntos relativos ao cambio climático.
A concelleira de Medioambiente, Chus Lago, presentou este venres as novidades da recta final do programa municipal "Vigo Camiño a Camiño", que contempla conferencias, rutas en veleiro e actividades divulgativas. Estas iniciativas se celebrarán por mor do Día Mundial de Medio Ambiente e do Día Mundial dos Oceános.
"Nano" é o nome elixido, para a cria de macaco que se atopa en Vigozoo, de entre máis dos 247 propostos no pasado concurso online organizado a través do diario Faro de Vigo.
Abel Caballero valorou de forma positiva este outorgamento, que recoñece a calidade dos areais de A Punta, O Vao, Rodas, O Tombo do Gato, Canido e Fontaiña. En comparación co ano pasado, a cidade conta cunha distinción menos, a da praia de Argazada, en Alcabre, un "erro de interpretación" do organismo que concede as bandeiras ao considerala como parte de Samil, explicou o alcalde.
<br /> Abel Caballero avanzou que se creará unha Comisión Delegada do goberno para o ruido, con carácter permanente e inicialmente presidida polo alcalde, e se convocará periódicamente a Comisión de Ruidos. As comisións elaborarán un plan que incuirá unha batería de medidas contra o ruido. A primeira delas, a vixilancia preventiva.
<br /> O alcalde avanzou que o Concello está a actualizar a ordenanza municipal de medioambiente, que databa de 1994, que equiparará as sancións por contaminación ás de ámbito estatal e autonómico. As multas, que ata o de agora non superaban os 90 euros, poderían alcanzar os 3.000 euros. Abel Caballero advirte que a "tolerancia cero" cos verquidos "vai moi en serio".
O alcalde e o Presidente do Parque Illas Atlánticas revisaron este xoves as actuacións pendentes, como a recuperación da ubicación orixinal da duna para o verán de 2009, co paseo por detrás da mesma. Ademais tratouse a reparación do molle de Rodas, a recuperación do deseño orixinal do local e a rehabilitación da ponte de pedra entre as dúas partes da isla. Para este último proxecto, Abel Caballero quere contar cunha "figura da arquitectura e o urbanismo de talla mundial".
O alcalde de Vigo, Abel Caballero, e a concelleira de Medio Ambiente, Chus Lago, pecharon o acordo este mércores co delegado provincial da Consellaría de Medio Ambiente da Xunta de Galicia, Juan Francisco Froján, que permitirá construir a senda desde o nacemento ata a desembocadura do río. No encontro se selou a vontade de ambas institucións de "cooperar activamente" contra os verquidos no Lagares.
Vigozoo organiza a cuarta edición do concurso de fotografía dixital dirixido ó público que visite as instalacións do zoo o próximo xoves 1º de maio. O obxectivo do concurso é promover o zoo e as actividades que nel se realizan, coincidindo co día de portas abertas.
A concelleira de Medio Ambiente e presidenta de Vigozoo, Chus Lago,está de visita en Jerez para coñecer as instalacións do ZooBotánico desta cidade, considerado como os máis vanguardistas dos zoos españoles e dos principais europeos.