venres, 11 xuñ 2010
Abel Caballero e a concelleira de Medioambiente, Chus Lago, visitaron este venres o único laboratorio municipal de Galicia, ubicado no soto do Concello, onde o alcalde anunciou que os técnicos municipais realizarán un análise cada dous días das augas dos areais de Teis afetados polo verquido de fuel orixinado en Redondela, para seguir garantindo a todos os cidadáns que as praias están en perfecto estado de uso".
xoves, 10 xuñ 2010
A concellería de Medioambiente sigue adiante coa campaña de sensibilización medioambiental das tres R (reducir, reutilizar e reciclar) que pretende mellorar a cidade facendo pequenas cousas. Segundo apunta a campaña todo é cuestión de actitude, de asumir costumes para contribuir a preservación o medioambiente.
xoves, 10 xuñ 2010
Abel Caballero, acompañado pola concelleira de Medioambiente, Chus Lago, abríu este xoves formalmente o novo recinto disposto en VigoZoo para a observación de especies con hábitos nocturnos, o Nocturama. O Concello investíu 100.000 nesta nova dotación que simula a oscuridade durante o día, para que os visitantes poidan coñecer os comportamentos das especies nocturnas.
venres, 4 xuñ 2010
A Concellería de Medioambiente, que dirixe a socialista Chus Lago, ten previstas tres actividades para conmemorar o Día Mundial do Medioambiente, que celébrase o 5 de xuño. O departamento programou para mañá sábado unha saída ás Illas Cíes para 200 persoas e unha ruta nocturna á Madroa, e o domingo terá lugar unha nova etapa do Camiño de Santiago.
xoves, 3 xuñ 2010
A concelleira de Medioambiente explicou este xoves que desde o momento de detección do verquido á Ría de Vigo -onte mércores-, o seu departamento está a coordinar as labouras de seguemento e limpeza dos areais afectados. Onte e hoxe xoves veñen traballando preto de medio centenar de efectivos municipais e mantéñense pechadas as praias de Mende e A Punta, en Teis.
ADEAC designou onte mércores as bandeiras azuis, e Vigo suma unha con respecto ao 2009
xoves, 3 xuñ 2010
O areal de Figueiras, nas Illas Cíes, consegue para Vigo a oitava bandeira azul, premiando así a calidade e seguridade das praias viguesas, e convertendo a Vigo non gran concello de España con maior número destas distincións. Medioambiente amplía tamén este ano a presenza de socorristas a un total de once areais, dous máis que o pasado ano 2009. A mellora no salvamento e a oitava bandeira azul "refrendan a aposta que estamos a facer a prol dun servizo de praias de calidade", di a concelleira Chus Lago.
martes, 1 xuñ 2010
A concelleira de Medioambiente, Chus Lago, felicitou aos profesionais de Vigozoo por este nacemento. Trátase do primeiro nacemento con éxito dun voitre leonado dentro do Programa Europeo de Cría en Captividade de Especies Ameazadas.
martes, 25 mai 2010
A concelleira socialista acompañou hoxe martes a máis de 300 escolares no pase dunha cinta que ten o seu punto forte nun efecto hiperrealista de inmersión que permite a pequenos e maiores comprobar a diversidade do ecosistema mariño pero tamén a súa fraxilidade a través da viaxe dunha tartaruga mariña. A actividade enmárcase na celebración do Ano da Biodiversidade.
venres, 7 mai 2010
A concelleira socialista, Chus Lago, informou este venres da apertura da campaña de control da colonia de gaivotas deste ano, que retira ovos tanto a petición cidadá no 010 como de oficio, en zonas de nova expansión. O obxectivo municipal é rebaixar as molestias producidas á xente e, a longo prazo, rebaixar á metade o número de gaivotas. A edil solicitou a colaboración cidadá.
martes, 4 mai 2010
Por mor do Ano Internacional da Biodiversidade, a Concellería de Medioambiente programou actividades ambientais de balde entre os días 14 e 17 deste mes, onde convivirán 50 nenos dos Ancares e 150 de Vigo de entre 9 e 12 anos en VigoZoo e nunha acampada nas Illas Cíes. 25 monitores traballarán cos nenos no programa, que pecha a súa inscripción esta semana. A actividade completarase en setembro, cunha visita dos rapaces de Vigo aos Ancares.
