Abel Caballero anunciou este mércores o programa de outono do Camiño a Camiño, oito rutas desde o 19 de setembro ata o 7 de novembro que percorrerán a senda panorámica de Vigo e as serras do Suído, da Groba, do Galleiro e do Galiñeiro. As inscricións ábrense a semana previa a cada percorrido, con oitocentas prazas en total.
Os traballos consisten na retirada de 9 eucaliptos con risco de caída e acoutar a zona de pedras cuns postes de madeira para garantir a seguridade.
O alcalde falou en rolda de prensa da boa acollida por parte da cidadanía da acción astronómica que organiza o Concello coas 75 prazas ocupadas ao pouco tempo de comezar as inscricións.
O Concello abriu o prazo de inscrición para a segunda edición do Desafío Audiovisual Illas Cíes -de fotografía e curtas- e para o Cíes Talent, concurso de nova creación para graffiti e banda deseñada. Caballero explicou que se pretende consolidar a candidatura das illas a Patrimonio Mundial da Unesco desde o punto de vista creativo.
O alcalde informou este venres da próxima actualización da app municipal, que incorpora un completo apartado sobre o arquipélago vigués. Os usuarios poderán acceder a información de servizo e empregar o móbil como guía interactiva para as rutas, os principais puntos de interese e os areais.
O alcalde avanzou que no Consello da Xerencia de Urbanismo da vindeira semana quedará aprobada de xeito definitivo a modificación puntual do PXOM para a reordenación dese ámbito e, posteriormente, será ratificada polo Pleno.
Abel Caballero participou este venres na entrega de premios do taller de reciclaxe organizado polo suplemento Xornal Escolar de Atlántico Diario no que estudantes de Primaria aprenderon a importancia da reciclaxe e da reutilización dos elementos da vida cotiá. O alcalde animounos a seguir traballando na protección do medio ambiente e felicitou ao director do xornal, Julio Rodríguez, polo desenvolvemento deste programa no que colabora FCC.
Vigo aposta por un sistema de reciclaxe que premia aos cidadáns con incentivos que axuden a mellorar o seu entorno máis próximo ao tempo que fomenta a circularidade dos envases. Así o dixo esta mañá o rexedor na presentación de Reciclos, na Farola de Urzáiz durante un acto no que advertiu da importancia da acción individual na preservación do medio ambiente.
Alcaldes e alcaldesas reivindican en Valladolid o protagonismo local e o compromiso cidadán para impulsar a transición cara a unha novo paradigma de sustentabilidade. Para Abel Caballero, cidades e municipios teñen que estar no primeiro plano das decisións e contar cos medios e recursos para facelo posible.
A concelleira de Medio Ambiente, Nuria Rodríguez, e a organización de The Wild Fest presentaron esta mañá un programa que inclúe a completa e esixente carreira de obstáculos The Wild Race, na que aínda hai tempo para inscribirse, e a andaina solidaria. As 800 entradas xa están á venda na web de The Wild e pódense conseguir dende os 15 euros e ata o 29 de agosto. O domingo a entrada é de balde, aínda que haberá control de aforo.