Escoitar

Vigo ofrece en outono rutas panorámicas pola cidade e polas serras da contorna

Abel Caballero anunciou este mércores o programa de outono do Camiño a Camiño, oito rutas desde o 19 de setembro ata o 7 de novembro que percorrerán a senda panorámica de Vigo e as serras do Suído, da Groba, do Galleiro e do Galiñeiro. As inscricións ábrense a semana previa a cada percorrido, con oitocentas prazas en total.

mércores, 18 ago 2021
Imaxe de arquivo dunha edición anterior do Camiño a Camiño
Imaxe de arquivo dunha edición anterior do Camiño a Camiño

A Xunta de Goberno Local validará este venres as actividades de outono do “Camiño a Camiño”, a iniciativa municipal de concienciación e sensibilización ambiental. O alcalde adiantou este mércores o programa, oito andainas desde o 19 de setembro ata o 7 de novembro, ambos incluídos, cos que o Concello ofrece catro percorridos pola senda panorámica de Vigo e outros catro polas serras do entorno.

A proposta arrancará o 19 de setembro co paseo desde VigoZoo ata o Parque Forestal de Bembrive, punto de partida do seguinte domingo, 26 de setembro, onde os camiñantes chegarán ata o parque forestal de Bembrive. O 3 de outubro continúa o camiño desde Bembrive ata Monte dos Pozos, desde onde sairá a cuarta e última ruta deste bloque, o 10 de outubro, con finalización en Saiáns.

O programa de outono continuará o 17 de outubro cunha excursión pola Serra do Suído. Unha semana despois será a quenda da Serra da Groba, mentres que o 31 de outubro os inscritos poderán coñecer a Serra do Galleiro. A última proposta de outono, a Serra do Galiñeiro, terá lugar o domingo 7 de novembro.

Cada día oferta un centenar de vacantes, que logo serán divididas en grupos para cumprir coa normativa de prevención contra o coronavirus. As inscricións, como vén sendo habitual, se tramitarán a través do 010 e o prazo para anotarse ábrese o luns inmediatamente anterior á celebración do recorrido. O programa “Vigo Camiño a Camiño” conta coa colaboración da entidade Vegalsa-Eroski.

Descargar todas as imaxes