Os areais de Vigo xa locen as once bandeiras azuis que un ano máis a converten na cidade española con maior número de distincións polos servizos das súas praias. Unha vez máis, Caballero destacou que o Concello conta con preto dun centenar de profesionais atendendo estas zonas durante todo o verán o que supón un investimento de máis de medio millón de euros.
O primeiro edil participou no acto organizado polo Atlántico Diario no que puxo de manifesto ante os rapaces e rapazas a importancia de preservar o medio ambiente. Abel Caballero quixo concienciar no seu discurso aos máis pequenos e pequenas sobre a "xoia medioambiental que son as Illas Cíes e a importancia da recuperación dunar en Vigo". O alcalde tamén quixo poñer de manifesto a importancia dos servizos de limpeza municipais e que Vigo ten 8 vasoiras de platino "por ser a cidade máis limpa". No acto houbo 50 proxectos premiados que o rexedor cualificou de "magníficos".
Abel Caballero recordou que este mércores, e ata o 15 de setembro, comeza o servizo municipal de salvamento e socorrismo na cidade, que este ano se presta en once areais, un máis que o pasado ano. Entre socorristas, efectivos de Protección Civil e axentes da Policía Local, aproximadamente cen traballadores velarán pola seguridade dos bañistas.
O goberno dirixido por Abel Caballero programou este venres unha xornada lúdica e formativa para escolares de 5º e 6º de Primaria de ambos centros, para conciencialos da necesidade de reducir e reciclar os residuos. O alcalde achegouse ata o faro litoral da Guía para participar na charla.
A Xunta de Goberno Local vén de aprobar as bases reguladoras e a convocatoria das subvencións para o financiamento das actividades que organicen empresas neste espazo de titularidade municipal co fin de “apoiar e potenciar a oferta sociocultural da cidade”.
Vigo revalida os 3 sendeiros con Bandeira Azul no ano 2022. Son o Camiño a Beiramar, a Senda entre os Faros nas Illas Cíes e a Senda Litoral e do Monte da Guía. Onte confirmouse tamén a Bandeira Azul para 11 praias, coa incorporación de Santa Baia en Alcabre. Unha das condicións para obter este distintivo é ter servizo de socorrismo. Abel Caballero visitará esta tarde aos alumnos do curso ofertado polo Concello por segundo ano consecutivo. Son 13 alumnos que reciben unha formación teórica de 70 horas que inclúe contidos e avaliacións de prevención e vixilancia, rescate acuático e primeiros auxilios.
O alcalde anunciou en rolda de prensa que a cidade recibiu da Asociación de Educación Ambiental e do Consumidor (ADEAC) os 11 distintivos solicitados, un máis que o ano pasado ao sumarse o areal de Santa Baia en Alcabre.
Terá lugar o domingo 22 de maio, pola mañá, sendo a base de operacións o Parque Forestal do Monte dos Pozos. As actividades requiren inscrición previa que poden realizarse no teléfono 010.
As 23 praias da cidade obtiveron a cualificación de “excelente”, a máis alta da clasificación sanitaria da dirección xeral de Saúde Pública.
Por segundo ano consecutivo, Vigo convoca un curso de capacitación para titulados en Actividade Física e do Deporte. No verán de 2021, dezaseis vacantes no servizo municipal de salvamento foron cubertas con socorristas habilitados polo Concello con este curso. A preinscrición, a próxima semana no 010.