A Xunta de Goberno Local aprobou un novo paso para executar a obra que conta cun orzamento de 16,8 millóns de euros, dos que o Goberno de España achega case 12 e coa que a “gran avenida quedará integrada plenamente na cidade”.
O Concello súmase este 9 de maio á conmemoración do Día Mundial da Insuficiencia Cardíaca iluminando de vermello as fontes da rúa Aragón. Nesta xornada quérese promover a concienciación social sobre esta afección e sobre os factores de risco que están asociados ao seu desenvolvemento.
O alcalde anunciou a ampliación do horario das escaleiras de Porta do Sol que funcionarán os sábados ata as 02,00 h. Este incremento súmase ao do ascensor HALO que desde hoxe adapta a súa operativa ás saídas e chegadas dos trens.
Este luns 6 de maio conmemórase o Día Mundial da Osteoxénese Imperfecta, unha doenza rara coñecida como "enfermidade dos ósos de cristal" que se orixina por unha anomalía xenética que deriva na xeración insuficiente de coláxeno, a proteína maioritaria do corpo humano, e que acaba limitando de xeito importante a calidade de vida dos enfermos. O Concello de Vigo súmase á conmemoración da xornada iluminando de amarelo as fontes da rúa Aragón esta noite co fin de concienciar á cidadanía sobre esta enfermidade.
O Concello súmase á conmemoración desta xornada, que se celebra en todo o mundo o 5 de maio, co fin de concienciar á cidadanía sobre esta patoloxía que afecta a máis de 25 millóns de persoas en todo o mundo e que, malia ser incurable, é tratable se se detecta a tempo. As fontes de Aragón tinguiranse de azul o domingo pola noite para lembrar a efeméride do Día mundial da Hipertensión pulmonar
O Tribunal Superior de Xustiza de Galicia volve darlle a razón ao Concello de Vigo na súa reclamación ao Concello do Porriño de 5,6 millóns polo pago da auga que recibe do embalse de Eiras. A sentenza rexeita todos os motivos de nulidade alegados polo municipio da Louriña sobre un acordo asinado en 1998 polo que Vigo lle facilitaba auga ao polígono da Granxa.
O alcalde anunciou a aprobación do proxecto para construír o ascensor na rúa Juan Ramón Jiménez para unir, co segundo elemento mecánico, as rúas Marqués de Valterra e Torrecedeira.
O goberno municipal vén de recibir o informe positivo de Augas de Galicia autorizando as obras de remodelación da vía e pide “celeridade á Xunta” na tramitación do permiso autonómico.
Este mércores 24 de abril celébrase o Día da Fibrose Quística, unha enfermidade hereditaria, crónica e dexenerativa que afecta a preto de 3.000 persoas en España, 160 delas en Galicia. Baixo o lema "A saúde mental: unha viaxe colectiva", as asociacións demandan maior apoio para a saúde mental das persoas con fibrose quística e as súas familias, que teñen un maior risco de padecer síntomas de ansiedade e depresión polas esixencias da enfermidade.
O alcalde participou esta mañá na inauguración do novo corredor do programa “Vigo Vertical” que inclúe un ascensor e unha rampla mecánica e no que se investiron máis de 1,5 millóns de euros, unha parte financiados con fondos Next Generation.