O presidente do padroado de Escola de Artes e Oficios, Ignacio López Chaves, a directora da escola e o arquitecto municipal, realizaron o martes unha visita ás instalacións do centro co obxectivo de avaliar as reformas precisas que se deben acometer para o correcto mantemento da escola.
O concelleiro-delegado da Área de Asuntos Sociais, Ignacio López-Chaves, presentou hoxe mércores un estudo da "Situación bibliotecaria do Concello de Vigo", no que se conclúe que só o 31% da poboación viguesa utiliza as bibliotecas con que conta a cidade.
A Escola Municipal de Música organiza unha programación específica para o entroido cun festival de cine, un encontro orquestral en Allariz e un concerto didáctico.
Baixo o título "Vigo, unha empresa e moito máis", a Escola Universitaria de Estudos Empresariais vén de editar unha publicación na que se recollen as ideas manexadas durante un ciclo de conferencias e mesas redondas sobre a realidade socioeconómica de Vigo, celebrado nese centro o pasado mes de abril.
A alcaldesa, Corina Porro, reuniuse hoxe venres con Manuel Varela, director do Centro Tecnolóxico do Mar (CETMAR), para tratar do futuro da investigación e o desenvolvemento en materia marítima.
O concelleiro de Educación, Ignacio López-Chaves, presentou hoxe venres a unidade didáctica "Un día no Casco Vello", editada polo Concello como unha opción para facer un itinerario por esta zona da cidade. Trinta centros de ensino utilizarán esta guía para realizaren visitas escolares ao Casco Vello.
O servizo de Educación do Concello organiza unha táboa redonda para analizar o anteproxecto da Lei Orgánica de Educación dirixida á comunidade educativa en xeral e que terá lugar o mércores ás 19 horas no salón de actos do Instituto Municipal de Educación.
Vigo terá unha nova escola infantil municipal a finais de 2006. O proxecto deste novo centro, cuxas obras de construción están comezando na rúa Palencia, contempla unha planta baixa con aulas e espazos auxiliares para nenos e nenas de cero a tres anos, e unha planta alta para os profesores.
A alcaldesa, Corina Porro, mantivo hoxe venres no Concello un encontro coa conselleira de Educación e Ordenación Universitaria, Laura Sánchez Piñón, no que trataron, entre outros asuntos, a construción dun novo edificio para a Escola Superior de Arte Dramática de Galicia, a apertura de novas titulacións na Universidade e o mantemento dos colexios.
A concellería de Educación, a través do Instituto Municipal de Educación, oferta aos centros de ensino da cidade dous programas didácticos cos títulos " Na escola en igualdade" e "Se empatas, gañas" e que presentou o xoves en rolda de prensa o concelleiro Ignacio López Chaves.<br />