A Supercopa de España de judo para categoría cadete, este sábado (9:30 horas) na súa sede habitual do Multiusos de Navia, batirá tódolos récords de participación na competición para rapaces e repazas de 14 a 16 anos, segundo anunciaron hoxe, en rolda de prensa, o presidente da Federación Galega de Judo, Mario Muzas, e o concelleiro de Deportes, Manel Fernández.
O próximo domingo 20 de outubro Coia volverá a acoller a xa tradicional Carreira contra o cancro, que este ano alcanza a súa sétima edición. Na presentación, o rexedor animou á participación ademais de felicitar aos promotores dun evento deportivo e solidario moi consolidado na cidade.
O alcalde acompañou esta mañá ao equipo de baloncesto en cadeira de rodas durante a presentación do seu novo patrocinador: o Grupo Avanza Vitrasa
Abel Caballero deu conta este xoves da adxudicación en Xunta de Goberno Local das obras dos campos de fútbol do Monte da Mina, San Andrés de Comesaña e As Relfas-Sárdoma por un importe total de 697.000 euros. A actuación está incluída no convenio entre o Concello e a Deputación de Pontevedra para 11 campos e 4 pavillóns.
O alcalde de Vigo, Abel Caballero, acompañado polo edil de Deportes, Manel Fernández, o presidente do Club Atletismo Veteranos de Samil, Modesto Comesaña, e por patrocinadores privados e atletas, presentou a primeira edición da Popular Praia de Samil-Memorial Alfonso Varela, que se vai correr este domingo polo areal urbano vigués (10,30 horas).
O rexedor informou este venres de que a reforma do campo de fútbol de Candeán será inaugurada o vindeiro domingo. Ademais, explicou que xa están en funcionamento os terreos de xogo de San Miguel de Oia, Navia, Meixoeiro, Valadares, A Bouza e Bouzas. Ademais, están adxudicadas a obras de mellora nos da Mina, Sárdoma e San Andrés.
O alcalde presentou o curso 2019/2020 do programa municipal de escolas deportivas, para nenos e nenas de 6 a 18 anos e que arrincará o 1 de outubro próximo.
O alcalde, Abel Caballero, amosou a súa satisfacción por poder participar este mércores na presentación da sétima edición desta esixente proba deportiva, que o Concello vén apoiando desde o seu inicio, tal e como destacou o primeiro edil.
O alcalde de Vigo, Abel Caballero, presentou a quinta edición do Desafío Boot Camp Race, a celebrarse en Samil o domingo 6 de outubro (10:15 horas). A organización espera uns dous mil participantes.
O remo de mar regresa a Bouzas por segundo verán consecutivo para disputar o Trofeo Illas Cíes de remo de mar, que ademais será Campionato de Galicia da modalidade para skiff e dobre scull. A praia do Adro será o punto de chegada, mentres que as regatas disputaranse ante o espigón, podendo seguirse dende o paseo.