O alcalde de Vigo, Abel Caballero, presentou esta mañá uns obradoiros formativos para o deporte coa coordinación de Afavi, a Asociación de Fútbol Afeccionado de Vigo e que "promovemos dende o Concello", anunciou o rexedor.
O alcalde de Vigo, Abel Caballero, acompañado polo concelleiro de Deportes, Manel Fernández, membros do Club Castrelos 20:30 (José Vidal, Eusebio Alén e Ana Andrés), organizador da proba popular, e varios dos patrocinadores privados, presentaron hoxe xoves a segunda edición da 24 VGO, as xa consolidadas 24 horas de Vigo, unha proba fixada dende as 12:00 horas do sábado 26 de agosto ao mediodía do domingo 27 no circuíto dun quilómetro do parque de Castrelos.
A Xunta de Goberno Local autoriza cambios técnicos para asegurar a cuberta na parte onde ataca o vento do sur en Balaídos. A obra, financiada de forma íntegra por Concello e Deputación, ten un importe de 5,5 millóns de euros.
O alcalde recibiu este martes á organización do Memorial deste "xogador e adestrador de baloncesto tan importante na cidade" e garantiu novamente o apoio do goberno de Vigo coa cesión dos pavillóns de Navia e Travesas e unha achega directa de 7.000 euros. O encontro será o 3 de setembro e enfrontará ao Obradoiro co Barcelona.
O alcalde adianta que, dado o rango do festival, solicitará á Xunta de Galicia que colabore na próxima edición achegando 200.000 euros, para igualar o investimento do Concello e da Deputación que suman 400.000 euros.
O alcalde visitou este mércores o pavillón das Travesas, onde o Concello actuou sobre a pista central e a vermella, onde se instalou un novo pavimento aeroelástico. O goberno de Vigo inviste case un millón de euros este ano nos pavillóns de Travesas, da ETEA, de Monte da Mina e de Teis.
A Vigo Battle of Teams, terceira edición dunha esixente competición de crossfit, deporte de moda importado de Estados Unidos, celebrarase esta semana, de venres a domingo, no complexo deportivo municipal de Samil co patrocinio do Concello de Vigo a través das concellerías de Deportes e Turismo, segundo anunciou o alcalde da cidade, Abel Caballero.
O goberno de Vigo acordou hoxe venres a clasificación de ofertas -antiga adxudicación provisional- do suministro e mantemento de trece novas unidades. Así, explicou Caballero, o Concello contará con 37 desfibriladores semiautomáticos para cubrir todas as instalacións deportivas municipais.
Caballero recibiu este venres á directiva do club e ás capitás dos equipos júnior, cadete, infantil, alevín e benxamín, campioas en todas estas categorías, un resultado que cualificou como "fantástico. Temos un baloncesto feminino en Vigo que o gañou todo, non houbo nada que se nos resistira". No acto, o rexedor amosou tamén a súa satisfacción por poder saudar ao preparador físico da selección española de baloncesto feminino, Mario Muñoz, que realizou un "bo papel" na recente consecución do Campionato de Europa Sub-20 e de quen dixo que é "un orgullo que forme parte do baloncesto feminino de Vigo".
O alcalde deu conta este luns da aprobación do proxecto de reforma, que sairá por un importe de 420.000 euros. Caballero explicou que se executarán obras de construción dos novos vestiarios e cantina, servizos e bancadas, melloras que se suman ao novo céspede de herba sintética.