O alcalde deu conta esta mañá dos avances na tramitación da futura biblioteca de Teis, que será construída na parcela na que se sitúa a antiga sede da Seguridade Social e cun deseño “espectacular”.
O MARCO acolleu o acto de entrega do Premio Laxeiro 2023 a Xesús Alonso Montero en recoñecemento ao seu labor no ámbito lingüístico, na creación literaria, a edición e a docencia.
O alcalde avanzou esta mañá a súa vontade de que “Laxeiro e a arte da súa época” viaxe a outras cidades, entre elas, Nova York porque é unha exposición “grandiosa” que transcende nunha visión revolucionaria da cultura. A mostra, inaugurada hoxe no Marco, permanecerá aberta ata o 21 de xullo.
Abel Caballero participou este martes na apertura da exposición que recolle sesenta pezas pertencentes aos fondos que a Fundación foi salvagardando ao longo dos seus primeiros sesenta anos de historia.
O alcalde asistiu esta mañá á apertura da exposición de “Francisco Fernández del Riego, 1913-2010. Letras Galegas 2023" que poderá visitarse ata o domingo 17 de decembro. Trátase dunha mostra autobiográfica que recolle unha selección das súas obras máis significativas.
O Museo MARCO inicia a súa programación de 2023 coa exposición da viguesa Andrea Costas Lago que, baixo o título Desapego, presenta un proxecto que reúne obras dos dous últimos anos: fotografías, vídeos e unha instalación específica na propia sala. Abel Caballero e Carmela Silva loaron a sensibilidade desta mostra durante a súa inauguración.
O espectáculo da compañía viguesa abre ás 19 horas deste venres, na rúa do Príncipe, a programación municipal deste primeiro semestre de 2023 que ofrecerá 27 espectáculos para tódolos públicos de teatro, danza, circo e maxia.
A moción socialista apunta a “forte discriminación” que sofre o Concello de Vigo en diferentes ámbitos, tamén o cultural. Saíu adiante co apoio de tódolos grupos municipais agás o PP que se abstivo.
O alcalde presentou este mércores a programación municipal de artes escénicas, que comeza o 27 de xaneiro con “Pachamama” de Troula Animación en Príncipe, e que ofrece espectáculos de danza, circo, maxia e teatro para tódolos públicos ata o 30 de abril.
A Xunta de Goberno aprobou a transferencia á subvención á Fundación Laxeiro cun importe de 95.000 euros para o seu mantemento. Abel Caballero lembrou que o Concello está a traballar na exposición de Laxeiro no MARCO que comezará no mes de febreiro e nas rutas Laxeiro para dar a coñecer a cidade a través dos lugares que forman parte da vida do pintor.