O concerto do artista Pablo Alborán, previsto nun principio para este domingo día 28 no Recinto Feiral de Vigo-IFEVI (avenida do Aeroporto, 772-Cotogrande), tense aprazado para o mércores 14 de agosto, pola traxedia acontecida o pasado mércores en Santiago de Compostela. O concerto, organizado pola empresa Categórica Produccións, conta coa colaboración da Concellería de Cultura e Festas e inclúese no programa VIGO EN FESTAS 2013.
Melendi será o encargado de abrir o programa de concertos de verán de Vigo en Festas, co seu novo traballo "Lágrimas desordenadas". A cita será o mércores 24 de xullo, as once da noite no Auditorio de Castrelos.
O mércores, 24 de xullo a Fundación Laxeiro presenta a primeira entrega dun novo ciclo anual que, co título, Os novos, mostrará a obra dos artistas que formaron parte do grupo do mesmo nome da Vangarda histórica galega. O ciclo inaugúrase con esta exposición de Manuel Colmeiro Guimarás (Silleda, Pontevedra, 1901-Salvaterra do Miño, Pontevedra, 1999), unha das figuras chave da renovación plástica galega no século XX.
O Auditorio de Castrelos acolle o concerto de verán que a Coral Casa Blanca ofrecerá o sábado 27 de xullo, ás 21 horas, dentro do programa de Vigo en Festas. Un concerto no que, con acompañamento orquestral, interpretaran diferentes bandas sonoras da historia do cine.
A Concellería de Cultura e Festas colabora no MARISQUIÑO XIII, que se celebrará os días 9, 10 e 11 de agosto, incluído dentro do programa VIGO EN FESTAS 2013, e que contará con actividades de Skate, BMX, mountain bike down town, dirt jump, bboying, trial, freestyle motocross, fingerboard, graffiti e concertos.
Durante os meses de xullo e agosto a Biblioteca Neira Vilas ofrece unha mostra bibliográfica e audiovisual onde se recollen varios dos títulos máis destacados dos Inklings.Baixo este nome se atopa o círculo literario máis influínte do século XX formado por autores coma C.S. Lewis, o autor da saga de "Crónicas de Narnia" ou J.R.R. Tolkien, autor da saga "O señor dos aneis"
O alcalde Abel Caballero presentou hoxe a Gran Festa Romana-Celta, un espectáculo visual e sonoro "para revivir unha etapa histórica de vigo" que terá lugar o 18 de xullo no Auditorio de Castrelos, ás 23 horas con entrada libre.
O alcalde de Vigo presentou hoxe martes o cartel de festas para este verán, coa posta en marcha dunha organización "na que medimos cada euro investido". Cun orzamento de 650.000 euros, un 15% máis que o ano pasado, Caballero definiu o cartel como "extraordinario".
Mostly Other People Do the Killing, unha das figuras máis destacadas deste festival será un dos responsables de poñer fin á penúltima xornada desta novena edición do Festival de Jazz de Vigo Imaxina Sons, o venres 5 a partir das 21.00h no Auditorio Municipal do Concello. Ademais, o festival contará con Richard Galliano o sábado 6 de xullo ás 23.00h na Praza da Constitución.
O alcalde de Vigo anunciou este venres o concerto do artista asturiano no Auditorio de Castrelos para o 24 de xullo, como parte do programa de festas do verán na cidade, que se fará público "dentro duns días" e do que non avanzou máis detalles ata o momento.