Vigo pide á Xunta que faga compatible e complementaria a Risga co Ingreso Mínimo Vital

mércores, 26 mai 2021

O Pleno do Concello aprobou este mércores a moción socialista pola que se insta ao goberno autonómico a que, de forma urxente, modifique a normativa reguladora da Renda de Inclusión Social de Galicia, co obxecto de facela complementaria e compatible co Ingreso Mínimo Vital, ampliando ademais a súa cobertura para facilitar o acceso á vivenda.

Caballero: “O goberno local respondeu á confianza que depositaron en nós os cidadáns hai dous anos”

mércores, 26 mai 2021

Os dous primeiros anos deste cuarto mandato de Abel Caballero estiveron marcados pola pandemia á que o Concello fixo fronte cunha actuación integral, “respondendo á confianza que depositaron en nós os cidadáns”. Durante a presentación do balance de goberno, Caballero lembrou que o proxecto político que encabeza ten un apoio do 90% da cidadanía o que demostra que “Vigo marcha unido”. En todo caso e ao marxe da covid, estes dous anos tamén foron os da confirmación dos grandes proxectos pendentes na cidade como a saída sur, o AVE por Cerdedo ou a Biblioteca do Estado.

Caballero celebra que Vigo acolla en setembro a segunda edición de Mindtech

venres, 21 mai 2021

O alcalde reivindicou na presentación de Mindtech a importancia de Vigo no pulso industrial de Galicia, destacando o seu potencial para optar á construción dunha fábrica de baterías. Durante a súa intervención, felicitou aos promotores desta feira internacional, “unha forma extraordinaria de entender o progreso para conseguir avances económicos”.