A incidencia acumulada (IA) a 14 días na cidade continúa baixando e sitúase en 124 casos por 100.000 habitantes, mais a autoridade sanitaria mantén á hostalería viguesa no nivel medio de restricións, aplicable nos municipios cunha IA entre 150 e 250. “Teñen que adecuar a situación”, insistiu Caballero, o que suporía elevar o aforo interior ao 50% e o exterior, ao 75%.
Abel Caballero, Carmela Silva e David Regades mantiveron esta mañá unha reunión no Ministerio de Industria para presentar algúns dos proxectos cos que Vigo aspira a fondos NextGenerationEU. Segundo explicou o rexedor, durante o encontro pasaron revisión a todos os manifestos de interese que se enviaron desde o Consorcio da Zona Franca, ademais de detallar os distintos proxectos.
Abel Caballero amosou a súa “satisfacción” polo compromiso trasladado este xoves polo secretario de Estado de Transporte, Mobilidade e Axenda Urbana no transcurso dunha reunión mantida coa FEMP. Pedro Saura avanzou que os proxectos municipais que opten aos fondos europeos Next Generation poderán presentarse a comezos deste verán, en canto se publique a Orde Ministerial que regula as subvencións.
É “unha nova forma de funcionamento da política social na cidade de Vigo”, valorou Caballero este martes, 191 apoios económicos aprobados na última semana dos que 80 foron para pagos de aloxamento e alugueiro. Con máis de dous millóns distribuídos, o Concello atendeu a 35.907 persoas coas axudas de emerxencia.
Anunciouno este luns o alcalde, quen detallou que a admisión de espectadores a pavillóns, pistas de atletismo, campos de fútbol e piscinas municipais será en función dun aforo máximo, de acordo coa normativa sanitaria vixente e gardando a distancia de seguridade entre persoas.
O Goberno local defendeu a necesidade de transformar a zona de Beiramar soterrando o viario e favorecendo a calidade arquitectónica dos proxectos da zona. Tal e como explicou a concelleira de Urbanismo, hai que xerar espazos de socialización compatibles co acceso e funcionalidade da Autoridade Portuaria.
Coa única oposición do Partido Popular, na sesión plenaria desta mañá deuse luz verde a unha moción que reclama a normalización da atención primaria presencial nos centros de saúde, con reforzo de medios humanos e materiais, se fora preciso.
O alcalde manifestou este martes en rolda de prensa que un 15% dos 800 millóns que corresponden á comunidade autónoma dos fondos europeos de recuperación deben ir aos municipios e contrapón a xestión doutras autonomías que si achegaron recursos aos seus concellos.
Abel Caballero mantivo este luns un encontro “magnífico e con moi bos resultados” co ministro de Ciencia e Innovación, Pedro Duque, a quen lle trasladou, entre outras cuestións, os proxectos que a cidade está encabezando para optar a recibir fondos europeos.
A Xunta de Goberno Local vén de aprobar a prórroga dos contratos de xestión de actividades estivais destinadas a cativas e cativos nacidos entre os anos 2004 e 2017 e que ten un orzamento de 227.000 euros. O prazo de solicitude abrirá a última semana de maio.