martes, 15 xul 2008
A concelleira de Igualdade, a nacionalista Iolanda Veloso, deu conta onte pola tarde ao Consello Municipal da Muller do proceso seguido para o peche da Casa de Acollida e a creación do novo Centro de Emerxencia. Tras as explicacións da concelleira e o debate e intercambio de opinións das integrantes do Consello Municipal, as propias participantes solicitaron facer públicas as conclusións do encontro. Así, as integrantes do Consello Municipal da Muller queren precisar que os servizos de información, apoio e aloxamento á muller maltratada en Vigo "funcionan dende o principio e seguen funcionando en todos os seus extremos". <br />
luns, 14 xul 2008
A concelleira de Benestar Social, María Méndez, salientou estes luns a aposta pola integración en igualdade de condicións e a oferta de tempo de lecer de calidade que leva a cabo a súa concellería. A concelleira nacionalista realizou estas declaracións durante a visita que realizou a inauguración do campamento urbán que Benestar Social promove na asociación "Hoy por mañana" e que se desenvolverá ata o 31 de xullo en quenda de mañá.<br />
venres, 11 xul 2008
O vindeiro luns, 14 de xullo, abrirase o prazo de inscrición na galescola da rúa Palencia, a primeira das que se abrirán en Vigo, froito do traballo conxunto entre o Consorcio Galego de Servizos de Igualdade e Benestar e o Concello de Vigo. Segundo publica hoxe o Diario Oficial de Galicia, o centro, que comezará a súa andaina co curso escolar 2008/2009, disporá de 40 prazas distribuídas en tres unidades, e terá quendas de mañá, tarde e xornada completa.
xoves, 10 xul 2008
A concelleira de Benestar Social, María Méndez, visitou este xoves a unidade móbil do programa Café e calor na rúa, desenvolvido pola propia Concellería de Benestar Social a través dun convenio con Médicos do Mundo, e que segundo apuntou a edil do BNG atende arredor de 40 persoas ao día.
xoves, 10 xul 2008
Apostar polas persoas en risco de exclusión social, integrándoas no mundo laboral, para evitar que caian na pobreza e o obxectivo co que traballará o novo equipo do segundo Plan de Inclusión Social, que hoxe foi presentado polo tenente de alcalde, Santi Domínguez, e a concelleira de Benestar Social, María Méndez. Segundo explicou a edil do BNG, durante este ano 2008 este departamento xa realizou 317 intervencións, maioritariamente correspondentes a mulleres.
martes, 8 xul 2008
A concelleira de Benestar Social, María Méndez, salientou este martes que o departamento que dirixe destina máis de 495.000 euros para a sinatura de convenios con distintas organizacións de iniciativa social. Así, María Méndez sinalou que a renovación dos acordos con entidades como CEDRO, Médicos do Mundo, Alborada, o Comedor da Esperanza, Afán, ou o Fondo Galego de Cooperación supón un incremento medio do 7 por cento da cuantía dos convenios, mentres que hai outros de nova creación, como o de Sereos do Casco Vello, Asvidal ou Afal.
xoves, 3 xul 2008
A concelleira de Benestar Social, a nacionalista María Méndez, salientou hoxe a aposta que realiza a súa concellería para ofrecer actividades de lecer para nenos e nenas con discapacidade. A edil do BNG realizou estas declaracións durante a visita que realizou ao campamento que Benestar Social está a desenvolver no colexio público Saladino Cortizo, dirixido a rapaces e rapazas con características especiais.<br />
xoves, 26 xuñ 2008
O tenente de alcalde do Concello de Vigo, Santi Domínguez, amosou este xoves o seu apoio e compromiso co labor que desenvolve a unidade asistencial de drogodependencias Cedro durante a visita que realizou hoxe ao centro acompañado pola concelleira de Benestar Social, María Méndez. Santi Domínguez quixo agradecer persoalmente e traballo que están a facer os 36 traballadores de Cedro, ao tempo que valorou a implicación e adicación que amosan no seu quefacer diario.<br />
martes, 24 xuñ 2008
O proxecto "O noso taxi", que ten por obxectivo mellorar a capacidade de mobilidade das persoas con dependencia, entrará en funcionamento no mes de setembro, segundo anunciou este martes o tenente de alcalde tras a reunión que mantivo con representantes da Asociación Provincial de Autopatronos do Taxi. O encontro, no que tamén participou a concelleira de Benestar Social, María Méndez. servíu para "concretar os últimos flecos desta iniciativa, que era unha promesa electoral do BNG nas pasadas eleccións municipais", salientou Santi Domínguez.
mércores, 18 xuñ 2008
O tenente de alcalde, Santi Domínguez, e a concelleira de Benestar, María Méndez, visitaron hoxe o colexio Fleming e a estrutura anexa ao seu edificio invitados pola directiva do centro, que quixeron expoñerlles sobre o terreo cales son as súas necesidades e as propostas que fan para ese espazo.
