A Concellería de Benestar Social desenvolve a campaña "De Boa Man", na súa IX edición os días 2,3,4 e 5 de xuño de 2009. O proxecto consiste na instalación de tres carpas na rúa Príncipe, onde oito asociacións de persoas con discapacidade exporán e venderán os productos que realizan.
Con motivo do Día Mundial sen Tabaco, que se celebra o 31 de maio, o Plan Local sobre Drogodependencias e Outras Adiccións do Concello de Vigo e a Unidade de Alcoholismo "Asvidal" instalarán este venres, 29 de maio, un posto informativo e unha exposición de carteis históricos desta conmemoración na rúa do Príncipe, ao carón da sucursal do Banesto, entre ás 11 e ás 13:30 horas.<br />
O tenente de alcalde, Santi Domínguez, e a concelleira de Benestar Social, María Méndez, entregaron hoxe as tarxetas do bono-taxi a 96 usuarios e usuarios con mobilidade reducida. O programa ten o obxectivo de facilitar a mobilidade ás persoas con discapacidade na súa vida cotiá e favorecer a igualdade de oportunidades.
A concelleira de Benestar Social, María Méndez, fixo este martes balance do dispositivo temporal de emerxencia social aberto o 15 de xaneiro e explicou que o centro atendeu neste tempo a un total de 186 persoas distintas, cunha media de 30 persoas ao día, e un total de 3.000 pernoctacións. Asemade, a concelleira sinalou que este dispositivo pechará o 15 de maio, polo que urxeu ao novo Goberno da Xunta a abrir as instalacións coñecidas como Gota de Leite, onde xa remataron as obras.
A concelleira de Benestar Social, María Méndez, anunciou este xoves que o orzamento das axudas municipais para comedor e libros experimenta un incremento do 20% para o vindeiro curso 2009/2010, ao pasar de 400.000 a 460.000 euros. A edil salientou en rolda de prensa que con esta medida e nunha época de crise como a actual "esperamos que ningún escolar quede en lista de agarda se cumpre todos os requisitos".
A concelleira de Benestar Social, María Méndez, anunciou este martes que este ano o Programa de Balnearios convoca 400 prazas, 25 máis que no 2008, e incorpora a posibilidade de recibir tratamento no Talaso Atlántico. A edil sinalou que esta actividade, que o Concello de Vigo ofrece conxuntamente coa Deputación de Pontevedra, ten como obxectivo "mellorar a calidade de vida das persoas maiores e a súa saúde".<br />
A concelleira de Benestar Social, María Méndez, anunciou este mércores a posta en marcha do primeiro Plan Municipal de Migración dunha cidade galega co obxectivo de fomentar a integración real dos inmigrantes residentes en Vigo. A edil subliñou que o Plan, que esta tarde iniciará a súa andaina no Consello Municipal das Migracións, é necesario "para evitar problemas que moitas veces se dan nas sociedades de acollida dos inmigrantes".
A concelleira de Benestar Social, María Méndez, explicou este martes que o seu departamento está a desenvolver diversas actuacións co obxectivo de potenciar a integración dos colectivos minoritarios e neste sentido manifestou o seu apoio ao programa de actividades que se celebran en Vigo con motivo da conmemoración mañá, 8 de abril, do Día Internacional do Pobo Xitano. Ao longo do mes de abril están convocadas diversas iniciativas como contacontos e exposicións para achegar a cultura xitana a toda a cidadanía.
O tenente de alcalde, Santi Domínguez, expresou este xoves a súa vontade de poñerse en contacto coa persoa encargada de xestionar os asuntos sociais no novo goberno autonómico co obxectivo de trasladarlle a necesidade de abrir novos centros de día públicos. O concelleiro fixo estas declaracións no transcurso dunha visita que realizou ao centro de día Atalaia, na que tamén participou a concelleira de Benestar Social, María Méndez.
A concelleira de Benestar Social, María Méndez, fixo balance este martes das actuacións do Plan de Inclusión Social do Concello de Vigo desenvolvidas dende que entrou en funcionamento o novo equipo, en xuño do pasado ano. A edil nacionalista salientou que dende xuño a decembro de 2008 este servizo municipal elaborou un total de 303 itinerarios integrais de inserción, o 58% destinados a mulleres.