María Méndez destaca que 680 menores participaron no 2009 no programa de intervención familiar de Benestar Social
A concelleira de Benestar Social, María Méndez, presentou este xoves a memoria do ano 2009 do programa de intervención familiar, que ten por obxectivo detectar e previr os factores de risco en menores. Destacou que o ano pasado neste programa, que conta cun orzamento de 505.000 euros, participaron 414 familias, cun total de 1.478 persoas das que 680 eran menores.
![1267104295memoriaintervencionfamiliar.jpg 1267104295memoriaintervencionfamiliar.jpg](https://xornal.vigo.org/storage/xornal-historico/medi/xornal/noticias/imx/opt/1267104295memoriaintervencionfamiliar.jpg)
María Méndez explicou que este programa desenvolve diversas liñas de actuación, como as relacións familiares, co obxectivo de establecer normas e conductas, de xeito que no fogar se traballa na adquisición de habilidades, como a hixiene persoal, mentres que no ámbito da saúde o traballo vai encamiñado a adquirir hábitos alimentarios. A concelleira de Benestar Social sinalou que a intermediación familiar tamén busca a integración escolar, cando se producen casos de absentismo, e a integración laboral, se os pais ou nais están sen traballo.
Segundo informou a edil nacionalista, a detección dos factores de risco aos que están expostos os menores son detectados fundamentalmente polos centros escolares ou as propias familias que acoden ás traballadoras sociais da zona e trasladan o caso ao equipo de intervención familiar. En concreto, indicou que o 48% das derivacións é efectuado polas traballadoras sociais, o 26% dende os centros escolares e o 22% dende os servizos de menores da Xunta.
A concelleira de Benestar Social fixo mención expresa ás características das familias participantes no programa. Así, salientou que o 44% das familias 414 que foron atendidas responden ao modelo monoparental, que sinalou que aumentan progresivamente, e delas maioritariamente están compostas por mulleres con fillos ao seu cargo. Indicou tamén que o 48% son familias nucleares, mentres que o 23% son familias inmigrantes, na súa maioría procedentes de Latinoamérica. A este respecto destacou que este traballo que se desenvolve coas familias inmigrantes se enmarma no conxunto de recursos que o Concello de Vigo dedica á inmigración.
Respecto ao poder adquisitivo das familias, María Méndez sinalou que o 43% teñen ingresos por debaixo do salario mínimo interprofesional, mentres que outro porcentaxe elevado non teñen ningún tipo de ingresos. A concelleira apuntou que segundo o equipo de intervención familiar, un dos graves problemas detectados se refire á falta de implicación dos pais e nais na educación dos seus fillos, xa que dificilmente asumen os roles parentais que lles corresponden e non son quen de poñerlle límites aos nenos. Outro dos problemas é a mala comunicación e a falta de atención por falta de tempo. "A clave está no problema da conciliación da vida laboral e familiar", subliñou a concelleira de Benestar Social. Ao seu xuízo, "non se pode traballar dez horas ao día e atender aos fillos", polo que fixo un chamamento a concienciación de toda a sociedade.
Por outra banda, María Méndez explicou que o traballo do equipo, que está integrado por 14 persoas (8 educadoras familiares, 2 traballadoras sociais, 2 psicólogas, unha administrativa e unha coordinadora), se desenvolve en coordinación coas traballadoras sociais e a súa tarefa se complementa coa colaboración con Abertal e o Plan Comunitario de Teis.
Respecto a Abertal indicou que hai asinado un convenio de 12.000 euros mediante o cal a asociación traballa con nenos e nenas facilitando apoio escolar, actividades para o tempo de lecer e relacións familiares. No tocante ao Plan Comunitario de Teis explicou que o convenio, no que tamén participan as concellerías de Igualdade e Xuventude, ascende a 43.000 euros. Esta entidade tamén ofrece apoio educativo e actividades de lecer e deportivas, que segundo teñen comunicado propician unha melloría espectacular nos menores, polo que María Méndez apuntou que o programa será ampliado a outros barrios da cidade.
Descargar todas as imaxes
Segundo informou a edil nacionalista, a detección dos factores de risco aos que están expostos os menores son detectados fundamentalmente polos centros escolares ou as propias familias que acoden ás traballadoras sociais da zona e trasladan o caso ao equipo de intervención familiar. En concreto, indicou que o 48% das derivacións é efectuado polas traballadoras sociais, o 26% dende os centros escolares e o 22% dende os servizos de menores da Xunta.
A concelleira de Benestar Social fixo mención expresa ás características das familias participantes no programa. Así, salientou que o 44% das familias 414 que foron atendidas responden ao modelo monoparental, que sinalou que aumentan progresivamente, e delas maioritariamente están compostas por mulleres con fillos ao seu cargo. Indicou tamén que o 48% son familias nucleares, mentres que o 23% son familias inmigrantes, na súa maioría procedentes de Latinoamérica. A este respecto destacou que este traballo que se desenvolve coas familias inmigrantes se enmarma no conxunto de recursos que o Concello de Vigo dedica á inmigración.
Respecto ao poder adquisitivo das familias, María Méndez sinalou que o 43% teñen ingresos por debaixo do salario mínimo interprofesional, mentres que outro porcentaxe elevado non teñen ningún tipo de ingresos. A concelleira apuntou que segundo o equipo de intervención familiar, un dos graves problemas detectados se refire á falta de implicación dos pais e nais na educación dos seus fillos, xa que dificilmente asumen os roles parentais que lles corresponden e non son quen de poñerlle límites aos nenos. Outro dos problemas é a mala comunicación e a falta de atención por falta de tempo. "A clave está no problema da conciliación da vida laboral e familiar", subliñou a concelleira de Benestar Social. Ao seu xuízo, "non se pode traballar dez horas ao día e atender aos fillos", polo que fixo un chamamento a concienciación de toda a sociedade.
Por outra banda, María Méndez explicou que o traballo do equipo, que está integrado por 14 persoas (8 educadoras familiares, 2 traballadoras sociais, 2 psicólogas, unha administrativa e unha coordinadora), se desenvolve en coordinación coas traballadoras sociais e a súa tarefa se complementa coa colaboración con Abertal e o Plan Comunitario de Teis.
Respecto a Abertal indicou que hai asinado un convenio de 12.000 euros mediante o cal a asociación traballa con nenos e nenas facilitando apoio escolar, actividades para o tempo de lecer e relacións familiares. No tocante ao Plan Comunitario de Teis explicou que o convenio, no que tamén participan as concellerías de Igualdade e Xuventude, ascende a 43.000 euros. Esta entidade tamén ofrece apoio educativo e actividades de lecer e deportivas, que segundo teñen comunicado propician unha melloría espectacular nos menores, polo que María Méndez apuntou que o programa será ampliado a outros barrios da cidade.