venres, 4 feb 2011
A concelleira de Benestar Social, María Méndez, deu conta este venres da memoria de datos do Plan Local de Drogas e outras adiccións nas súas vertentes de prevención e asistencia. A concelleira nacionalista destacou o incremento que se está a producir nas accións preventivas no curso 2010-2011 a respecto do 2009-2010 fronte a redución dos casos asistenciais neste mesmo periodo de tempo. Ata final de ano a prevision é chegar a 12.000 persoas cos diferentes plans de previnción, mentras que se reduciron nun 12,8% o inicio de novos tratamentos asistenciais.
mércores, 2 feb 2011
O tenente de alcalde, Santi Domínguez, e a concelleira de Benestar Social, María Méndez, xantaron este mércores no comedor do colexio Emilia Pardo Bazán. O nacionalista destacou que a Concellería de Benestar Social concedeu un 14% máis de becas de libros e comedor que o curso pasado e que destinou un total de 620.000 euros para atender a 2.258 solicitantes, dos que 1.724 corresponderon a axudas de comedor e 534 a libros.
venres, 28 xan 2011
A concelleira de Benestar Social, María Méndez, fixo este vernes balance das axudas de emerxencia e Risga xestionadas o ano pasado polo Concello. A nacionalista explicou que mentres a Concellería de Benestar Social duplicou tanto o orzamento como o número de concesións destas axudas e incrementou nun 12,5% o número de Risgas tramitadas á Xunta, que ten aínda 465 pendentes de resolución.
martes, 18 xan 2011
A concelleira de Benestar Social, María Méndez, anunciou este martes a inclusión de Coia no programa "Crecendo na diversidade", de prevención de condutas de risco dirixido a nenos e nenas de 6 a 12 anos. A concelleira nacionalista asegurouno na xuntanza que mantivo hoxe cos equipos directivos e de orientación dos centros escolares de Coia, de xeito que esta zona se suma ao centro, Calvario e Teis.
xoves, 13 xan 2011
A concelleira de Benestar Social, María Méndez, fixo balance este xoves do programa de axudas ás persoas maiores e con problemas de mobilidade para reformar as súas vivendas e facelas máis accesibles correspondente ao 2010. A concelleira nacionalista salientou que foron 30 as vivendas reformadas, cun investimento que ascendeu a 66.000 euros, co obxectivo de que poidan seguir vivindo no seu domicilio.
martes, 11 xan 2011
A concelleira de Benestar Social, María Méndez, visitou este martes as instalacións da Fundación Secretariado Xitano, onde se reuniu co seu director, Santiago González. Na vista, a concelleira nacionalista destacou a "excelente labor" que fai o Secretariado Xitano, co que o Concello de Vigo mantén un convenio de colaboración de 109.000 euros.
mércores, 22 dec 2010
O tenente de alcalde, Santi Domínguez, reafirmou hoxe o seu compromiso coas políticas sociais para acadar a mellora do benestar da cidadanía na visita que realizou xunto á concelleira de Benestar Social, María Méndez, ao centro de día de Coia, ubicado na rúa O Grove. Os nacionalistas anunciaron que no vindeiro pleno defenderán unha moción esixindo á Xunta que non recorte os orzamentos que debe aportar aos concellos para a área social. "Nós duplicamos o noso orzamento de Benestar para atender ás necesidades que ten a cidade, por iso nestes momentos non se pode permitir que a Xunta reduza as aportacións que ten que facer", dixo.
luns, 20 dec 2010
A concelleira de Benestar Social, María Méndez, visitou este luns o dispositivo de frío instalado no pavillón do Berbés e deu conta dos datos de utilización dende a súa apertura o pasado 9 de decembre e as innovacións realizadas este ano. Salientou que en total se rexistraron 200 pernoctacións, sendo este fin de semana o de maior afluenza, con 28 persoas cada día.
mércores, 15 dec 2010
A concelleira de Benestar Social, María Méndez, asinou este mércores dous convenios de colaboración con dúas entidades sen ánimo de lucro como son o Banco de Alimentos e a asociación Vida Digna. A concelleira do BNG destacou que máis aló da cuantía dos convenios, 10.000 euros en total, o obxectivo desta iniciativa é reforzar a axuda que se presta ás persoas máis afectadas pola crise económica e dar a coñecer á cidadanía o tecido social vigués que traballa con este colectivo.
martes, 14 dec 2010
A concelleira de Benestar Social, María Méndez, fixo un chamamento aos vigueses e viguesas para que merquen os agasallos navideños no mercado de De Boa Man, que como é tradicional está instalado nunha carpa na rúa do Príncipe. A concelleira nacionalista asegurou que con esta iniciativa dase un paso máis "na integración no mundo laboral das persoas con discapacidade".
