Dada a gravidade da situación sanitaria que estamos a atravesar, o rexedor considera “importante e conveniente” a gratuidade do aparcamento do Álvaro Cunqueiro. Así llo solicitou esta mañá á Xunta de Galicia, lembrando que na cidade xa non está a funcionar a Xestión do Estacionamento Regulado.
A Policía Local impuxo 25 novas sancións este mércores, deixando un total de 323 denuncias desde o 16 de marzo. O alcalde reiterou este xoves que os axentes continuarán garantindo o cumprimento en Vigo do estado de alarma “para garantir a seguridade, para garantir a vida da xente”
Abel Caballero informou este xoves de que o Concello de Vigo xa atendeu a máis de 1.700 familias para proporcionarlles todo tipo de axudas de emerxencia ante a crise do Covid-19. Ademais, o servizo de entrega de comidas atende a 400 vivendas ao día e no pavillón do Berbés xa son 30 as persoas acollidas.
A través do teléfono ou correo electrónico, os emprendedores e pequenas e medianas empresas poden resolver as súas dúbidas sobre o primeiro paquete de apoio aprobado este martes polo Consello de Ministros, dotado de 20.000 millóns para garantir ata o 80% dos prestamos solicitados para pagar salarios ou facturas.
O efectivo deixará de ser forma de pago nos autobuses en próximos días, polo que o alcalde instou á cidadanía que emprega o metálico a solicitar en Vitrasa unha tarxeta moedeiro, dispoñibles desde este xoves. A pago exclusivo con PassVigo ou medio análogo procura minorar o risco de contaxio eliminando o intercambio de moedas e billetes.
A Policía Local denunciou este luns a 45 persoas por incumprir o decreto de alarma na cidade polo que o rexedor recalca que as condutas incívicas poden danar a saúde de todos.
Abel Caballero lembrou esta mañá a decisión do goberno local de aprazar o pago de todos os impostos municipais. O primeiro destes tributos pendentes de pago é o de vehículos que pasará a pagarse entre o 4 de maio e o 6 de xullo, e non entre o 1 de abril e o 5 de xuño, como estaba previsto.
Abel Caballero informou este martes de que o Concello de Vigo xa ten todo listo para abrir esta mesma noite o pavillón do Berbés con outras 38 prazas de aloxamento destinadas a persoas sen teito. O alcalde engadiu que se é necesario está todo preparado para habilitar outro pavillón da cidade.
O alcalde deu conta esta mañá de que a Policía Local impuxo onte luns 35 novas denuncias por non cumprir o decreto de alarma, o que eleva as sancións a 249 desde o pasado 14 de marzo. Logo de afear a conduta ás poucas persoas que non cumpren o confinamento, avanzou que as sancións pretenden defender a saúde de toda a cidadanía.
Para garantir a distancia mínima entre viaxeiros, un autobús tipo “eiruga” cun segundo vehículo detrás cubrirán as liñas aos centros hospitalarios, segundo anunciou este martes Abel Caballero. Ademais, os accesos e saídas aos autobuses serán pola porta traseira, limítase o aforo ao 30% da capacidade máxima e, en próximos días, prohibirase o pago en metálico.