O alcalde inaugura cun paseo a “excepcional” Vía Verde
O Concello vén de completar o tramo pendente da senda que percorre a cidade desde Vía Norte ata Chapela, no límite con Redondela. Un proxecto no que investiu 3,5 millóns de euros, a metade procedentes de fondos Next Generation EU dentro do Plan de Recuperación, Transformación e Resiliencia do Goberno de España.
![](https://xornal.vigo.org/storage/images/opt/yMqtpoU516HIaNOWHlZjEKWuxFIXzPtyuPLuHPnX.jpeg)
Abel Caballero percorreu este mércores os catro quilómetros da nova Vía Verde da cidade que define como “unha gran obra que ten dúas virtualidades: a primeira é ser un lugar de ocio, de paseo, de carril bici, de camiñar e de vida saudable” e a segunda é que se configura como “unha nova vía de comunicación que une zonas enteiras de Travesía e Teis con Vía Norte, co centro da cidade”, de xeito que hai moitas persoas que chegan á zona céntrica empregando a Vía Verde.
Para o alcalde esta é unha “obra excepcional que conecta co carril bici” que nestes momentos permite percorrer a cidade desde Teis ata Coia e que “en tempo moi breve” conectará coa Praia de Samil.
O goberno municipal investiu 3.513.000 euros na execución da Vía Verde. O orzamento inicial era de 2,9 millóns de euros pero foron incorporándose melloras na zona da rúa Coutadas e na conexión con Buenos Aires. O Goberno de España concedeu a este proxecto 1,8 millóns de euros de fondos europeos Next Generation EU do Plan de Recuperación, Transformación e Resiliencia polo que “a metade desta obra foi pagada polo Goberno de España e agradézoo moito”, sinalou Caballero.
A Vía Verde está conformada por un carril bici bidireccional de formigón e unha senda peonil composta de pavimento de xabre e cemento. A iluminación situouse sobre a catenaria, a toma eléctrica do tren, con 185 luminarias colgadas ao longo dos case 4 quilómetros e conta con 3 pasarelas: dúas son de estrutura metálica con pavimento de madeira; unha que conecta Vía Norte coa rúa Navarra e a outra en Camiño da Vía que houbo que refacer enteira e pasa por enriba da senda; e a terceira pasarela conecta a rúa Navarra coa ponte de Isaac Peral. Hai ademais un parque biosaudable, conta con 180 metros de bancos de formigón ademais de bancos de estrutura de aceiro, aparcabicis, papeleiras e fontes.
![](https://xornal.vigo.org/storage/images/opt/yMqtpoU516HIaNOWHlZjEKWuxFIXzPtyuPLuHPnX.jpeg)
![](https://xornal.vigo.org/storage/images/opt/BKY5quqzEQBIFlgTPXDjaoqFZx05koqAo3soCijZ.jpeg)
![](https://xornal.vigo.org/storage/images/opt/7OiamPG0EnZ0MXB57ohzbZEuKTm8sCO1RfAJiPua.jpeg)
![](https://xornal.vigo.org/storage/images/opt/O9zTMGJwO0ifn1dbNqGAZEG3QX2ZVLVD3bYiMm0W.jpeg)
![](https://xornal.vigo.org/storage/images/opt/ehSFMfhsPEgSVkXP8ZzXECEpgiMs1Qrp3M3Nc8nG.jpeg)
![](https://xornal.vigo.org/storage/images/opt/hQihZO5lzmGHksQ91UJ85JgpsNaPYu6fVHjPUZjh.jpeg)
![](https://xornal.vigo.org/storage/images/opt/Th33EkPy72oQq6zC4jSTwtHExbQfyEz4VNYugfQ2.jpeg)
![](https://xornal.vigo.org/storage/images/opt/bjNSQppX5QXU9CcghowmmqdEXdjy9KQOivMm4PLL.jpeg)
![](https://xornal.vigo.org/storage/images/opt/s8ybeRzfpGsQcQA3jhGxohzcLycvDkV0mglhmZlK.jpeg)