O alcalde manterá un encontro con auxiliares de enfermería o próximo martes 15 de maio, unha reunión na que lles ratificará o seu apoio expreso nas súas reivindicacións de non querer realizar traballos de limpeza que non lles corresponden. Na súa opinión, esta situación emana dun deterioro do modelo de hospital privado que a Xunta de Galicia instaurou en Vigo.
O alcalde, Abel Caballero, participou este mércores no acto celebrado na Casa Galega da Cultura, para presentar a nova edición dunha Feira que terá luga do 28 de abril ao 1 de maio en Ribadavia, con viño, gastronomía e música na oferta programada.
O Concello de Vigo contará cos colectivos de Teis para trazar o futuro da recuperación da Etea así como a elaboración do proxecto da Senda Verde, sobre a antiga vía do tren. Así o confirmou o rexedor logo dun encontro co Plan Comunitario no que lle trasladaron o seu "total" apoio para converter en biblioteca o edificio do vello centro de saúde de Enrique Lorenzo.
Abel Caballero resaltou esta mañá que Vigo é a cidade da economía, da empresa da innovación, cunha industria aeroespacial capaz de "lanzar proxectos que permiten gañar o futuro". Nun congreso internacional organizado esta mañá, asegurou que nestes momentos é preciso cambiar e adaptar os marcos da política industrial para seguir avanzando.
Abel Caballero achegouse esta mañá ao Auditorio Municipal para participar na entrega dos premios da XV Edición do Concurso Dixital Infantil Internacional de Aqualia. Baixo o lema "Misión Depuración", presentaron a súas creacións alumnos de máis de 30 colexios e se entregaron 12 galardóns.
O alcalde recibiu este martes ás responsables da aeroliña, que unirá Vigo con Gran Canaria dúas veces por semana desde o 3 de maio. O Concello colaborará con Binter, que se implanta en Vigo sen ningunha axuda pública, o que evidencia a "potencialidade" do aeroporto vigués. Caballero destacou o crecemento "constante" de Peinador desde xuño de 2015.
O Ifevi acolle a partir do mércores 11 de abril a XXVII edición do Salón do Automóbil e da Motocicleta. Serán case medio centenar de marcas as que exhiban os seus vehículos nun certame que aspira a reunir uns 70.000 visitantes.
O alcalde e presidente da FEMP censurou este mércores a eliminación da partida comprometida e insta ao Goberno a modificar o apartado. A FEMP, doutra banda, pedirá unha reunión con Facenda para que explique porqué nos PGE as CCAA verán incrementados os seus recursos en máis de 4.000 millóns e as Entidades Locais só en 224 millóns A Xunta de Goberno da Federación, finalmente, considera "inaprazable" negociar o financiamento local e a flexibilización da regra de gasto.
Abel Caballero enxalzou que a Gala de entrega da Medalla da Cidade e dos Vigueses Distinguidos 2018 -na tarde deste martes no Teatro García Barbón- é "o acto de honra a cidadáns que o merecen pola súa dedicación á cidade" e tamén "unha forma de entender Vigo desde a unidade, desde un proxecto colectivo que compartimos todos os vigueses"
O alcalde recibiu este martes ao vigués José Lago Ochoa, comandante do portaaeronaves "Juan Carlos I". Abel Caballero destacou o feito de que un veciño da cidade fose o máximo responsable da nave de maior importancia da historia da Armada Española. "Ten hospitais que poden chegar en calquera momento a calquera sitio e necesítase unha cualificación moi importante para comandar este barco", sinalou.