luns, 10 mar 2008
O programa "Súbete ao Castro" amplía a súa oferta cun programa de formación musical que inclúe cursos gratuítos de guitarra, vogalista, baixo, batería, teclado e pandeireta, segundo anunciou este luns a concelleira de Xuventude, Iolanda Veloso. A inscrición para participar nos cursos, dirixidos a mozos e mozas de entre 14 e 30 anos, xa está aberta, e para matricularse só é preciso cubrir un formulario nas instalacións do programa no parque do Castro, ao carón da pista de bicicletas.
luns, 3 mar 2008
A concelleira de Xuventude, Iolanda Veloso, asinou este luns un convenio de colaboración co director de zona para Galicia e Asturias da Caja de Ahorros del Mediterráneo (CAM), David Martíns. A finalidade deste acordo é fomentar a difusión da Hipoteca Xoven desta entidade. A hipoteca está dirixida ás persoas de entre 18 e 35 anos que queren mercar a súa primeira vivenda cunhas condicións pensadas específicamente para elas.
venres, 29 feb 2008
Os mozos e mozas de Vigo poderán disfrutar este sábado, 1 de marzo, dunha nova sesión de música disco na Disco Light da SalaA! (Avda. Beiramar, 113), segundo anunciou este venres a concelleira de Xuventude, Iolanda Veloso. Neste espazo, de 17.30 a 21.00 horas, terá lugar tamén a Festa Tuning, polo que haberá un coche de exposicion dentro da sala, en concreto un 206 Coupe Cabrio, gañador de varios premios Tuning no ámbito estatal. Ademais, aos mozos e mozas asistentes obsequiaráselle con diversos regalos, como fluorescentes e camisetas.
mércores, 20 feb 2008
A Concellería de Xuventude presentou este mércores a súa nova páxina web. Nela, os mozos e mozas de Vigo atoparán información sobre os distintos servizos da Concellería, novas de interese e un espazo de participación no que poderán comunicarse con persoas da súa idade.
xoves, 14 feb 2008
Esta fin de semana reinícianse as actividades de "Súbete ao Castro", un programa de lecer xuvenil alternativo que organiza a Concellería de Xuventude. Para participar nas actividades, que son gratuítas e se desenvolven no Espazo Xove do Castro, ao carón da Pista de Bicicletas do Parque do Castro, só é preciso cubrir unha ficha de inscrición no local.
venres, 1 feb 2008
O tenente de alcalde, Santi Domínguez, manifestou este venres que o BNG defende a posibilidade de regular a práctica do botellón para lograr que o dereito dos mozos e mozas á diversión sexa compatible co dereito da cidadanía ao descanso. Neste sentido, Santi Domínguez sinalou que o BNG quere que "canto antes" se convoque a comisión correspondente para reinvindicar a compatibilidade destes dous dereitos.
xoves, 31 xan 2008
A concelleira de Xuventude, Iolanda Veloso, entregou este xoves os premios aos gañadores e gañadoras do sorteo celebrado no marco do programa "Tardes e Noites Vivas". En total foron 68 os mozos e mozas que obtiveron o seu agasallo. En total, repartíronse 25 MP4, 20 marcos dixitais, 20 altofalantes para Pc con webcam e micro e 3 bicicletas pregables, segundo salientou Iolanda Veloso.
xoves, 31 xan 2008
La concejala de Juventud, Iolanda Veloso, entregó este jueves los premios a los ganadores y ganadoras del sorteo celebrado en el marco del programa "Tardes e Noites Vivas". En total fueron 68 los chicos y chicas que obtuvieron su regalo. En total, se repartieron 25 MP4, 20 marcos digitales, 20 altavoces para Pc con webcam y micro y 3 bicicletas plegables, según destacó Iolanda Veloso.
As uvas serán substituídas por lacasitos e conguitos
venres, 28 dec 2007
A Concellaría de Xuventude ofrece aos mozos e mozas a oportunidade de celebrar, este sábado día 29 na discoteca light, a despedida anticipada do ano. Para elo a discoteca estará ambientada de xeito espectacular para a ocasión e contará con canóns de confeti e unha máquina de neve artificial que farán a ledicia dos participantes.Haberá tamén cotillón, música tradicional de noite vella e espectáculo de animación.
xoves, 27 dec 2007
Esta fin de semana, venres 28 e sábado 29, o programa da concellaría de Mocidade "Tardes e Noites Vivas" despide a súa edición de outono 2007. Para elo está previsto un Torneo de espadas de goma-espuma na Asociación Xuvenil Cancerbero. No pavillón do Berbés, ademais das actividades deportivas (musculación, squash e baloncesto "Vigo en xogo"), celebraranse varios obradoiros: un de imaxe persoal que se centrará sobre todo nos complementos, un de candeas e outro de bailes de salón. O pavillón de Coia apostará polos bailes tipo salsa, os xogos de estratexia e enxeño e o fútbol sala.
