O Concello iniciará nos próximos días a andadura das grandes remodelacións previstas na Porta do Sol e na Gran Vía. Será a semana que vén cando se aproben os pregos para licitar os proxectos que permitirán transformar a Porta do Sol nunha gran praza cidadá -con tráfico soterrado- , así como instalar pasarelas mecánicas cubertas na Gran Vía.
O alcalde visitou este xoves o resultado da humanización, executada no tramo comprendido entre as rúas Barcelona e Zaragoza. Caballero salientou tanto a mellora na superficie como as renovacións das redes soterradas de servizos: abastecemento, saneamento, pluviais, gas, telecomunicacións e enerxía eléctrica.
O segundo tenente de alcalde e concelleiro de Fomento, David Regades, explicou este martes o estado de execución das 24 humanizacións que ten o Concello en proceso. A bancada de Tribuna, Ferreiros e García Barbón concluirán en marzo; ademais, Regades anunciou para este verán o asfaltado de vías nas parroquias.
A Xunta de Goberno Local deu luz verde tamén a explotación dos quioscos en once areais vigueses, que funcionarán entre o 1 de xuño e o 30 de setembro, e o mantemento da calefacción e auga quente nos colexios públicos cun importe de 130.000 euros. O alcalde engadiu que o Concello destina case 4 millóns de euros ao mantemento ordinario destes centros. <br />
Cun prazo aproximado de execución de catro meses, comezou a cuarta fase da humanización de Camelias, cun orzamento de 778.000 euros. Así o explicou esta mañá Abel Caballero durante unha visita aos traballos na que estivo acompañado polo segundo tenente de alcalde, David Regades e a concelleira de Turismo, Ana Laura Iglesias.
O alcalde avanzou esta mañá que o estadio de Balaídos xa está en condicións de seguridade para acoller o partido de fútbol Celta-Shaktar Donetsk o próximo xoves 16. Tal e como explicou, ademais de reparar os desperfectos, melloráronse as condicións de seguridade da cubrición.
O alcalde rubricou este martes o contrato de reforma integral da bancada de Río do estadio de Balaídos, toda vez que o Tribunal de Recursos Contractuais rexeitou o recurso que tiña suspendida a obra. Logo de Tribuna, o goberno de Vigo continúa con Río a remodelación integral do recinto.
O investimento do Concello neste vial, no treito comprendido entre Doutor Corbal e a Avenida da Mariña Española, totaliza 412.000 euros, explicou Abel Caballero. Ademais, o goberno de Vigo aprobou o convenio coa Asociación Protectora para a recollida e coidado de animais abandonados, por 96.000 euros anuais.
Tras unha reunión co vicario xeral da diócese, o alcalde anunciou a ampliación das beirarrúas, melloras no estacionamento e máis verde, ademais da posibilidade de sumar o muro do acceso ao programa municipal de arte urbano. Caballero asegurou que a humanización da Vía Norte, na parte que afecta á igrexa, estará rematada a mediados de maio, para os actos de celebración do centenario do templo.
Anunciouno este mércores o alcalde, nunha visita aos traballos de reforma da rúa. O Concello inviste preto dun millón de euros na humanización, na súa primeira fase, da coroa circular interior. Abel Caballero anunciou a instalación de paneis no vial e a creación dun espazo na web onde ampliar información sobre a zona e o propio Álvaro Cunqueiro.