Todos os grupos municipais -coa excepción do PP – solicitan á Xunta os cambios normativos que permitan a compatibilizar as prestacións do RISGA e do Ingreso Mínimo Vital. Tal e como explicou a concelleira Yolanda Aguiar a reformulación da prestación económica é moi urxente dada a crise sanitaria e económica que estamos a atravesar.
Abel Caballero criticou esta mañá os orzamentos autonómicos de 2021 para a cidade que, unha vez máis, non atenden as necesidades de Vigo. A cifra de investimentos é de 49,8 millóns, cando debería alcanzar os 273 millóns, en termos de poboación. En rolda de prensa, Caballero cifrou en máis de 2.000 millóns á débeda da Xunta nos últimos anos, unha cantidade á que a partir de agora hai que sumar 223 millóns máis.
O concelleiro de Facenda, Jaime Aneiros, foi o encargado de defender as contas municipais nunha sesión plenaria extraordinaria na que destacou que o principal obxectivo dos orzamentos é “reactivar a economía” en diálogo constante coa cidade. Cos votos en contra da oposición, o goberno local sacou adiante un documento de 264 millóns, dos que máis de 19 son para políticas sociais.
A sesión plenaria aprobou este xoves as modificacións orzamentarias para engadir o remanente municipal, toda vez que o Goberno de España autorizou o seu uso. Coa millonaria partida adicional, o goberno de Vigo busca “minimizar as consecuencias socioeconómicas do Covid, xerar emprego e relanzar o consumo”.
A Corporación de Vigo celebrou este xoves un Pleno Municipal extraordinario sobre a situación da cidade durante a actual crise sanitaria do Covid-19. O alcalde destacou as medidas postas en marcha polo goberno local e a atención social aos cidadáns sen apoio da administración autonómica. Os grupos da oposición reclamaron máis axudas por parte do Concello aos sectores afectados.
O salón de plenos do Concello de Vigo acollerá este xoves dous plenos para abordar a aprobación orzamentaria dos investimentos das Remanentes e para analizar a evolución da pandemia do Covid-19.
A concelleira de Urbanismo, María Xosé Caride, defendeu esta mañá unha proposta que permitirá edificar en dous solares situados entre as rúas Martínez Garrido, Sagunto e Valladolid. Deste xeito, o Concello activará o Instrumento de Ordenación Provisional, tras a caída do PXOM de 2008, unha vez recibidos os informes favorables da Xunta de Galicia.
A Corporación municipal de Vigo solicitou no Pleno deste mércores que os orzamentos autonómicos de 2021 inclúan unha partida de 12 millóns para abordar a reforma integral de centros públicos da cidade. A moción foi presentada polo goberno de Vigo e obtivo o apoio de todos os grupos, salvo do PP.
A Corporación municipal aprobou a moción socialista que defende a necesidade de coñecer os datos da incidencia do coronavirus na cidade para tomar decisións na loita contra a pandemia. Ademais, o Pleno reclama á Xunta unha partida orzamentaria para os gastos derivados da Covid-19.
A moción foi elaborada e impulsada pola plataforma SOS Sanidade Pública, presentada por Marea de Vigo e apoiada por todos os grupos salvo o PP, que votou en contra este mércores. O acordo solicita á Xunta un incremento do orzamento sanitario, acabar coas restricións de acceso aos centros de saúde e incrementar o persoal de Atención Primaria, entre outros puntos.