A Corporación sacou adiante este mércores unha moción do grupo do goberno de Vigo na que se demanda á Xunta de Galicia “á adopción de medidas inmediatas para solucionar a situación na que se atopa a atención primaria de Vigo e que tanto preocupa a profesionais e usuarios”.
Licencias urbanísticas de obras e de actividades, impostos sobre construcións, instalacións e obras e taxas de ocupación de vía pública nas festas especiais estarán bonificadas polo Concello de Vigo. O Pleno da Corporación deu o primeiro paso para aplicar a redución de impostos coa aprobación inicial das ordenanzas fiscais.
A maioría dos grupos políticos acordou esta mañá instar ao Parlamento galego a poñer en marcha unha comisión de investigación sobre a xestión da crise sanitaria nas residencias de maiores. O concelleiro non adscrito contou co apoio do PSOE e de En Marea para sacar adiante unha moción que tamén demanda un novo modelo de atención a estas persoas máis vulnerables.
A moción socialista foi aprobada na sesión ordinaria deste mércores na que tamén saíu adiante a moción pola que o Concello demanda ao goberno autonómico a modificación da Lei 2/2017 en materia de regulación do transporte público que obriga a Vigo a asumir o custo de autobús urbano de persoas non residentes na cidade.
Dúas mocións presentadas polo grupo do goberno de Vigo reclaman á Xunta de Galicia que se faga cargo do custo extraordinario de desinfección nos colexios -que presta o Concello e estima en 616.000 euros- e que abra unha mesa de diálogo coa Federación de ANPAS para dotalos de recursos para poder prestar o comedor escolar, aulas matinais e actividades extraescolares.
A moción foi debatida na sesión plenaria do Concello deste mércores e aprobada por unanimidade. A Corporación demanda de Abanca a devolución das comisións de mantemento e xestión aplicadas desde xuño e que desista de volver cargalas, ao tempo que require regular un acceso universal e gratuíto a unha conta bancaria.
O Pleno aprobou esta mañá a moción socialista que reclama ao goberno autonómico que acometa nos colexios as reformas precisas para ampliar espazos que garantan a distancia interpersoal, o desdobramento de aula e a seguridade e tamén deu luz verde á moción do grupo mixto que demanda un curso escolar seguro.
O Pleno Municipal aprobou este mércores cos votos do grupo municipal do PSOE o acordo subscrito entre a Federación Española de Municipios e Provincias (FEMP) e o Goberno de España para utilizar integramente os recursos que equivalen aos remanentes líquidos de Tesourería. O alcalde asegurou que Vigo recibirá 128 millóns de euros, 40 a fondo perdido.
A nova Ordenanza Municipal Reguladora do Uso e Desfrute dos Areais do termo municipal de Vigo foi aprobada este mércores no Pleno ordinario cos votos favorables do grupo socialista e a abstención de PP, grupo mixto e concelleiro non adscrito. La concelleira de Medio Ambiente destacou que as medidas tomadas polo goberno local nas praias “son un exemplo para outros concellos”.
Este luns tivo lugar a sesión extraordinaria do Pleno na que Pablo Estévez tomou posesión como novo edil da Corporación, en substitución de Isaura Abelairas, deputada no Parlamento de Galicia. Nacido en 1971, Estévez é avogado en exercicio desde 1999, especialista en dereito deportivo e laboral.