O concelleiro de Facenda deu conta dos informes definitivos de control financeiro, os resultados do control interno, a memoria do Tribunal Económico-Administrativo do ano 2021 e o marco orzamentario 2023-2025. Tamén aprobouse de xeito inicial a incorporación de dous millóns ao orzamento da Xerencia de Urbanismo.
O Pleno Extraordinario celebrado este mércores deu luz verde á concesión da Medalla da Cidade a Isabel Pardo de Vera, secretaria de Estado de Transportes, Mobilidade e Axenda Urbana cos votos favorables dos socialistas e o rexeitamento do resto de grupos municipais.
Nunha declaración institucional, pídese garantir o acceso á equidade, diagnose, tratamento e atención dos pacientes con este tipo de doenzas. Na UE, as enfermidades raras son aquelas con unha prevalencia de menos de 5 persoas por cada 10.000 habitantes. A metade das familias esperan máis de 4 anos para logra un diagnóstico e un 20 % máis dunha década. Ademais, só o 5 % das máis de 6.000 enfermidades raras teñen tratamento.
O Pleno acordou pedir que o goberno autonómico incremente os recursos para as infraestruturas e axentes culturais da cidade, para acadar un nivel similar ao resto das urbes galegas e reflectindo o peso demográfico e socioeconómico vigués. A moción, presentada polo grupo do goberno de Vigo, foi apoiada por todos os concelleiros e concelleiras, coa excepción dos edís do Partido Popular.
A concelleira de Urbanismo expuxo no Pleno os detalles da actuación prevista na confluencia de María Berdiales con Doutor Colmeiro Laforet e Hernán Cortés, un ámbito de 1.776 metros cadrados. Foi aprobada cos votos favorables do PSOE e do PP, mentres o Grupo Mixto e o concelleiro non adscrito se abstiveron.
A moción do concelleiro non adscrito recibiu o voto favorable de tódolos grupos municipais, de xeito que esta xornada servirá como homenaxe á autora e á súa obra e conformarase tamén como un día de impulso ás actividades de promoción da obra da escritora na cidade.
A moción socialista recolle a escaseza de prazas na cidade onde a Xunta non constrúe unha residencia pública desde hai máis de 12 anos. Foi aprobada na sesión plenaria deste mércores cos votos favorables do Grupo mixto e do concelleiro non adscrito e co voto en contra do PP.
A sesión plenaria do mes de febreiro deu luz verde, co voto en contra do PP, Grupo Mixto e do concelleiro non adscrito, á aprobación inicial da modificación de crédito extraordinario e suplemento de crédito co remanente líquido de Tesourería. “Vigo é cidade modelo de España”, apunta o alcalde.
O Grupo Socialista sinala que destinar dous pavillóns do IFEVI ao uso da práctica deportiva produciría un gravísimo dano na economía da cidade. Tamén se aprobaron as mocións que instan á Xunta á apertura dos xulgados 24 horas e a promoción de vivenda pública en Vigo.
O Faro de Vigo é o Diario Decano da prensa española, que cumpre 170 anos no 2023. A Distinción Honorífica “Cidade de Vigo” é a primeira vez que se outorga logo da aprobación deste recoñecemento no Pleno do Concello o 28 de febreiro de 2018. Faro de Vigo e Javier Moll convértense deste xeito nos primeiros galardoados.