mércores, 14 out 2015
Abel Caballero visitou esta mañá o parque infantil da Praza da Independencia logo das obras de remodelación nas que o Concello investiu 40.000 euros e que supuxeron a ampliación do espazo dispoñible e a incorporación de elementos xunto coa reforma dos xa existentes. O rexedor informou da construción dos novos parques infantís de Teixugueiras e dos Capuchinos e adiantou que se reformarán os de Venezuela e da Praza Elíptica para continuar coa construción destes espazos que son unha "demanda" da sociedade viguesa.
luns, 7 set 2015
O alcalde de Vigo informou este luns da aprobación do plan de seguridade e saúde para a instalación de elementos biosaudables en distintos espazos da cidade. Caballero explicou que estarán dispoñibles nun total de 18 dos coñecidos como parques para maiores da cidade.
luns, 16 mar 2015
A Xunta de Goberno Local, tal e como informou este luns Abel Caballero, vén de aprobar o plan de seguridade e saúde da remodelación do parque infantil de Castrelos, un dos últimos trámites administrativos previos ao inicio da obra. Ademais o goberno local acordou o inicio das humanizacións de Manuel Núñez e da rúa Robleda.
venres, 13 mar 2015
O alcalde vigués solicitara ao presidente da Xunta de Galicia, Alberto Núñez Feijóo, a creación en Vigo dun bosque, toda vez que o goberno autonómico comezou a prantar un en Santiago de Compostela por valor de 300.000 euros. O alcalde ofreceu este venres á Xunta 34 espazos da cidade onde poder prantar ata 17.225 árbores, despois de que Núñez Feijóo afirmase que investiría nun bosque en Vigo se ten os terreos para facelo.
luns, 2 feb 2015
A Xunta de Goberno Local adxudicou definitivamente as obras de remodelación do Parque de Castrelos, cun importe de 390.000 euros e un prazo de execución de 4 meses. Tamén se aprobou o último trámite administrativo para acometer a reforma da cuberta do pavillón de Teis.
luns, 12 xan 2015
O Concello de Vigo decidiu conservar o axardinamento instalado no centro da cidade por mor do Nadal. Abel Caballero explicou este luns que permanecen as zonas verdes da farola de Urzáiz, das inmediacións do MARCO e da Portal do Sol, onde haberá olivos no lugar dos abetos. Parte do alumeado seguirá instalado ata o Entroido.
martes, 30 dec 2014
Abel Caballero visitou este martes os traballos de mantemento que anualmente realiza o goberno local no olivo do Paseo de Alfonso, duns 200 anos de antigüidade. Tras os exemplares dispostos coas distintas humanizacións, o alcalde asegurou que a cidade ten hoxe máis olivos que nunca antes ao longo da súa historia.
mércores, 29 out 2014
O Concello arrancará antes de que remate o ano os traballos de remodelación dos parques de Castrelos e Torrecedeira. O investimento será de 390.000 euros e 47.000 euros, respectivamente, e as obras se prolongarán durante dous meses.
venres, 14 mar 2014
O Concello de Vigo organiza o 50 Concurso Exposición Internacional da Camelia, que terá lugar os días 15,16 e 17 de marzo nas instalacións do Auditorio Pazo de Congresos Mar de Vigo. A esta exposición-concurso preséntanse flores pertencentes a calquera especie e variedade da camelia así como calquera híbrido destas.<br />
mércores, 12 mar 2014
O 50 Concurso Expoosición Internacional da Camelia de Vigo contará con 47 participantes que exhibirán os seus exemplares no Auditorio Mar de Vigo os próximos 15, 16 e 17 de marzo. Este ano, como novidade, prantarase unha nova variedade desta flor na avenida viguesa que leva o nome e que o Concello ven de rexistrar baixo a denominación de "camelia olívica".
