Tras unha reunión co vicario xeral da diócese, o alcalde anunciou a ampliación das beirarrúas, melloras no estacionamento e máis verde, ademais da posibilidade de sumar o muro do acceso ao programa municipal de arte urbano. Caballero asegurou que a humanización da Vía Norte, na parte que afecta á igrexa, estará rematada a mediados de maio, para os actos de celebración do centenario do templo.
Anunciouno este mércores o alcalde, nunha visita aos traballos de reforma da rúa. O Concello inviste preto dun millón de euros na humanización, na súa primeira fase, da coroa circular interior. Abel Caballero anunciou a instalación de paneis no vial e a creación dun espazo na web onde ampliar información sobre a zona e o propio Álvaro Cunqueiro.
O alcalde, Abel Caballero, e o concelleiro de Fomento, David Regades, veñen de presentar o primeiro carril bici da cidade a colectivos ciclistas. O percorrido de dez quilómetros une Teis con Samil e presenta un orzamento estimado en 2,6 millóns de euros. "Neste mandato ten que ter un avance moi importante; se non total, moi importante", avanzou Caballero este martes.
Considera "gravísimos" os colapsos ocasionados polos sinistros que teñen obrigado ao Concello a cortar os accesos dende a cidade á autopista. Ademais, advirte que prohibirá o tránsito de camións pesados polo centro de Vigo se a Xunta e o Goberno seguen sen responder á petición de facilitar accesos á AP9 desde a avenida de Bos Aires.
Caballero avanzou esta mañá que a humanización de Doutor Corbal ascenderá a 468.000 euros e terá un prazo aproximado de execución de seis meses. As obras -comprendidas entre Sanjurjo Badía e Camiño Maceiras-, incluirán unha placa en lembranza do médico que lle da nome á rúa.
Nunha visita á rúa, Abel Caballero anunciou que a segunda fase da remodelación chegará ata Urzáiz e se acometerá "de forma inmediata" á finalización da primeira. A humanización da Vía Norte comeza desde a Travesía de Vigo ata Escultor Gregorio Fernández e presenta un prazo de execución estimado en catro meses.
O Concello ten actualmente 17 actuacións en marcha por importe de 11,5 millóns de euros e xa inicia unha nova etapa con outras 12 melloras que totalizan 15,5 millóns de euros. A nova serie de accións comeza "de forma inmediata", explicou o alcalde de Vigo. <br />
O alcalde e Carmela Silva asinaron o convenio polo que a Deputación Provincial cede ao Concello a rúa Emilia Pardo Bazán que será humanizada cun orzamento de tres millóns de euros coa mesma calidade que os resto de viais da cidade.
O alcalde vigués informou hoxe mércores da aprobación do convenio na Xunta de Goberno Local, un acordo que se asinará o venres e que contempla a cesión da titularidade da antiga Estrada Provincial ao Concello e a súa humanización, sufragada na súa maior parte pola Deputación de Pontevedra.
O goberno de Vigo acordou este venres a aceptación formal da subvención europea para acometer "unha acción histórica na cidade", explicou Caballero: levar o Vigo Vertical ao monte do Castro, ao casco histórico, á estación do AVE, ao entorno do Xeral e ao bulevar central da Gran Vía. O rexedor vigués avanzou que haberá "máis novidades" en Venezuela e Porta do Sol no marco deste proxecto.