O alcalde de Vigo informou este venres da apertura do procedemento de licitación das obras de reforma da cuberta e da bancada de Tribuna-Preferencia, no estadio de Balaídos, na súa segunda fase, por un importe superior aos 5,2 millóns de euros. Caballero estimou que as obras poderán estar en marcha a finais do mes de novembro.
O alcalde anunciou este martes que a Xunta de Goberno Local aprobou, por 5,2 millóns, o novo proxecto de execución da obra da segunda fase da bancada de Tribuna e a súa cuberta, como parte da remodelación integral do estadio de Balaídos. Segundo detallou Caballero, a obra comezará en novembro ou inicios de decembro e deberá estar terminada en agosto de 2016, antes de que comece a tempada 2016/2017.
Abel Caballero foi testemuña esta mañá do momento no que José María Barreiro, autor da escultura de Rosalía de Castro, asinou a súa obra, instalada polo Concello nunha rotonda hai varias semanas. En posteriores declaracións aos medios, o alcalde reiterou a súa vontade de seguir humanizando todas as tranversais desta céntrica rúa.
O Concello de Vigo ven de finalizar unha humanización que transforma Manuel Núñez nunha vial peonil, con prioridade para os peons e circulación restrinxida a vehículos de carga e descarga e residentes. A rúa, que presenta a calzada e as beirarrúas nunha mesma cota, xa está aberta e foi visitada hoxe mércores polo alcalde de Vigo, Abel Caballero.
Caballero inspeccionou esta martes a humanización do primeira fase de Gerona -desde Gran Vía a Alfonso X el Sabio-, na que se investiron 350.000 euros. Esta rúa está dotada dun sistema de eficiencia enerxética e un cargador para dispositivos electrónicos.
O alcalde supervisou hoxe xoves a evolución das obras do ascensor inclinado que unirá Menéndez Pelayo e Camelias e que, previsiblemente entrará en funcionamento no mes de setembro. Durante a visita, lembrou que o goberno local vai a seguir a traballar no proxecto do Vigo vertical para superar as dificultades da orografía viguesa.
O alcalde de Vigo, Abel Caballero, acudiu na mañá deste mércores a María Berdiales para supervisar a evolución dos traballos de humanización que acomete o Concello nunha rúa "no corazón de Vigo" que "sufría afundimentos continuos". Nesta visita, avanzou, asimesmo, que a rúa Manuel Núñez terá o tráfico restrinxido para residentes.
O alcalde de Vigo visitou hoxe martes os traballos de mellora que está a levar adiante o Concello na Avenida da Florida, como parte do Plan Verde municipal, que conta cun orzamento próximo ao millón de euros. En base a esta actuación, o goberno de Vigo habilita zonas axardinadas en distintos puntos do nomeado vial e mellora as redes de abastecimento e saneamento.
O alcalde de Vigo, Abel Caballero, visitou este mércores a humanización da Avenida, entre Alfonso XIII e Serafín Avendaño, practicamente concluída na beirarrúa do lado terra, cun investimento de 2 millóns. A mellora continuará coa outra beirarrúa e incorpora elementos smart, como iluminación verde ou vermella nos pasos de peóns, sincronizada cos semaforos, e un punto de carga para móbiles.
O alcalde visitou esta mañá o entorno de Churruca onde se humanizaron as rúas Martín Códax, Iglesias Esponda, Irmandiños e o calexón Rogelio Abalde. En declaracións aos medios, eloxiou o resultado das obras e reiterou que se trata dunha rúa semipeonil con tráfico exclusivo para residentes e carga e descarga.