venres, 28 mai 2021
O alcalde informou este venres da aprobación na Xunta de Goberno Local dos traballos de redacción do proxecto técnico das obras de renovación do colector que recolle as augas residuais ao longo do río. Xunto a esta obra, avanzou os investimentos previstos no abastecemento e saneamento da cidade ou na estación de bombeo de augas residuais de Bouzas que superan os 3,5 millóns de euros de orzamento.
mércores, 26 mai 2021
O Pleno acordou esta mañá reclamarlle ao Goberno autonómico o ditame vinculante para que o Concello poida acometer as obras de ampliación e modernización que precisa a potabilizadora do Casal. Todos os grupos da Corporación -excepto o PP -afearon á Xunta o atraso dun ano que acumula na emisión do devandito informe.
mércores, 26 mai 2021
Os dous primeiros anos deste cuarto mandato de Abel Caballero estiveron marcados pola pandemia á que o Concello fixo fronte cunha actuación integral, “respondendo á confianza que depositaron en nós os cidadáns”. Durante a presentación do balance de goberno, Caballero lembrou que o proxecto político que encabeza ten un apoio do 90% da cidadanía o que demostra que “Vigo marcha unido”. En todo caso e ao marxe da covid, estes dous anos tamén foron os da confirmación dos grandes proxectos pendentes na cidade como a saída sur, o AVE por Cerdedo ou a Biblioteca do Estado.
mércores, 19 mai 2021
A Xunta de Goberno Local aprobou este martes a adxudicación do contrato de mantemento, acondicionamento e mellora das infraestruturas viarias do Concello por un importe de 8,4 millóns de euros.
mércores, 19 mai 2021
Este mércores tivo lugar o acto simbólico de colocación da primeira pedra da remodelación dunha nova fase da avenida, desta volta desde a unión con Rosalía de Castro ata a rotonda de Isaac Peral, cun orzamento de 2,2 millóns. O alcalde adiantou que o goberno de Vigo continuará a reforma ata Sanjurjo Badía “inmediatamente despois”, completando así a humanización de García Barbón.
mércores, 19 mai 2021
A firma gañadora do concurso municipal para unir a zona de García Barbón con Vía Norte elaborará os estudos previos e os proxectos básico e de execución. Unha vez redactados, sairá a licitación as obras do ascensor, cun prazo de execución de doce meses.
mércores, 12 mai 2021
Abel Caballero e Carmela Silva presidiron este mércores o acto simbólico de colocación da primeira pedra da reforma, que se alongará durante sete meses e arranca unha vez concluída a remodelación da Ronda de don Bosco. Na zona, o alcalde anunciou que o Plan Xeral actuará na mazá que forman estas dúas rúas e o canellón de acceso inferior ao colexio Salesianos.
mércores, 12 mai 2021
O alcalde avanzou este mércores que os dous areais vigueses repetirán o sistema de cintas de cores para marcar os espazos, establecido o verán pasado, durante os meses de xullo e agosto.
mércores, 12 mai 2021
O alcalde criticou esta mañá o atraso de máis de 11 meses na emisión do informe vinculante solicitado á Consellería de Sanidade para avanzar no proxecto da nova potabilizadora na que está a traballar o Concello. Caballero acusou á Xunta de obstruír esta dotación supramunicipal para que Vigo se queden sen auga.
xoves, 6 mai 2021
O alcalde informou da aprobación dos pregos e apertura do concurso público para unhas obras que durarán seis meses. A Xunta de Goberno Local tamén contratou este xoves a segunda fase da humanización de Purificación Saavedra e adxudicou a mellora da Estrada da Venda, ás que o Concello adicará máis de medio millón de euros.
