luns, 2 feb 2026
O Concello permanece vixiante a posibles inundacións dado que proseguen os temporais de choiva e ventos aínda que a cidade vai aguantando ben, dixo o alcalde. Actúase con Policía e Bombeiros, con dispositivos de atención e hoxe mesmo reuniuse de novo o CECOPAL (Centro de Coordinación Operativa Municipal). Desde o departamento de Medio Ambiente procederon a desatascar a Ponte de Muíño, nunha xornada na que se rexistrou unha inundación na zona da Ponte Romana.
mércores, 28 xan 2026
A mellora do Verbum, a reforma da grada do estadio de fútbol de Samil, a Biblioteca de Teis e a renovación do aglomerado do entorno da rúa Brasil son as obras que comezarán ao longo do mes de febreiro. O orzamento destes proxectos supera os 2 millóns de euros.
martes, 27 xan 2026
O Concello iniciou este martes a instalación de 2 das 4 ramplas mecánicas proxectadas en Pintor Colmeiro, entre Álvaro Cunqueiro e Tarragona, que mellorarán a mobilidade da zona ao completar o corredor mecánico entre López Mora e Hispanidade, ademais de facilitar o acceso ao centro de saúde, segundo apuntou este martes o alcalde tras avanzar que a obra conta cun investimento de preto de 2,5 millóns de euros.
venres, 23 xan 2026
A Xunta de Goberno aprobou este venres o proxecto que facilitará o tránsito peonil no corredor de preto de 400 metros de lonxitude entre as rúas Gerona e Tarragona coa instalación de sete ramplas mecánicas. “Xa non hai quen nos pare”, afirmou hoxe o alcalde ao explicar o avance da nova forma de conexión entre as prazas de América e España.
martes, 20 xan 2026
O alcalde destacou este martes o avance das obras da Grada de Gol de Balaídos e dos proxectos do programa “Vigo Vertical” que se atopan en proceso de construción e que supoñerán un investimento de 37,8 millóns de euros. "Neste momentos temos en marcha, só en Balaídos e no Vigo Vertical, obras por 37,8 millóns de euros", recalcou.
luns, 19 xan 2026
O alcalde inaugurou hoxe a humanización da rúa Pablo Iglesias, que contou cun investimento de cerca de 1.300.000 euros. “É unha mellora integral da rúa que homenaxea ao Celta cunha escultura do escudo en pedra e unha oliveira centenaria”, destacou o rexedor.
xoves, 15 xan 2026
Caballero anunciou o inicio do proxecto de ramplas de mecánicas que unirá Praza de España e Praza de América. Tal e como explicou, o Concello xa conta cos permisos pertinentes para acometer os dous primeiros tramos das obras, os comprendidos entre a rúas Gerona e Tarragona e entre Tarragona e Islas Baleares.
venres, 9 xan 2026
Teis contará cunha piscina máis grande, con máis salas e mellores instalacións unha vez rematadas as obras de rehabilitación integral que se elevan a 6,9 millóns. Hoxe deuse un novo avance nos traballos de remodelación coa contratación da asistencia técnica para o control das obras.
xoves, 8 xan 2026
A Xunta de Goberno do Concello de Vigo aprobará mañá o proxecto para conectar as rúas Travesía de Vigo e Aragón a través dun corredor de 200 metros de lonxitude que contempla a instalación de tres ramplas mecánicas e que conectará co macroparque infantil Finca Matías. “Unha das grandes obras da historia da cidade porque se converterá nun gran corredor para moverse en zonas de gran desnivel”, destacou este xoves Abel Caballero.
xoves, 18 dec 2025
Abel Caballero informou este xoves da recepción da comunicación autonómica que estaba pendente para poder continuar coa obra do túnel de Elduayen.
