O Concello inicia en xullo o asfaltado en 23 rúas do centro e de 9 parroquias
A Xunta de Goberno aprobou este venres a adxudicación das obras, dentro do plan extraordinario de asfaltado e beirarrúas, que acada un importe de preto de un millón de euros.
Abel Caballero avanzou hoxe que as obras terán lugar na Avenida Santa Mariña, Camiño Cerquide, Rúa Medoña, Camiño Amaro, Camiño Regueiro, Terceira Travesía Numancia, Rúa Cambados, Travesía Couto Piñeiro, Baixada Don Martín, Rúa Subride, Rúa Rivera Atienza, Rúa Bagunda, Camiño Redomeira, Rúa Castañal, Primeira Travesía Espiñeiro, Primeira Travesía Pai Celso, Rúa Manuel Cominges, Avenida de Samil, Camiño Pinal, Avenida Clara Campoamor, Rúa Devesas e Camiño Bouzachán.
O alcalde lembrou que as obras para realizar este verán enmárcanse no plan que contempla asfaltados en 300 rúas e humanización en 72 ámbitos, por valor de 26 millóns de euros.
Pasarela Teófilo Llorente
Entre os acordos adoptados na Xunta de Goberno celebrada este venres tamén se atopa a aprobación do proxecto de arranxo e saneamento da pasarela existente sobre a rúa Teófilo Llorente, no Casco Vello, que comunica a praza e o miradoiro da Pedra.
O rexedor explicou que coa intervención se solucionarán os problemas detectados no pavimento, así como nas vigas e nos piares como consecuencia da acumulación de auga.