Esta fin de semana a cidade está repleta de actividades para todos os públicos dentro do programa das Festas de Verán. Semana Infantil, Marisquiño, Festival Folclórico Internacional, Maratón Fotográfico, ópera e festa gastronómica.
O venres día 9 levarase a cabo "A Noite Branca", con visitas guiadas, exposicións e concertos nos diferentes museos do Concello de Vigo.Esta actividade está promovida pola Concellería de Cultura e Festas e encadrado dentro do programa "Vigo en Festas". A iniciativa "A Noite Branca", que se desenvolverá durante o venre, dende as oito da noite ata as dúas da madrugada, pretende salientar o patrimonio a as actividades dos diferentes centros que forman parte da Rede Museística e Expositiva do Concello de Vigo.
O alcalde saudou este xoves aos participantes neste evento multidisciplinar de deporte e cultura urbana que ten lugar este fin de semana en Vigo, dentro do programa de festas de verán do Concello. Abel Caballero subliñou a calidade do mesmo e garantiu a súa celebración en Vigo nos próximos anos.
A Agrupación Fotográfica Galega organiza, un ano máis, co patrocinio do Concello de Vigo e dentro do programa Vigo en Festas, a XVIII edición do Maratón Fotográfico. A cita terá lugar o día 10 e agosto ás 21.00 horas cunha duración de 24 horas. Os participantes deberán aboar 10 euros en concepto de inscripción.
As invitacións para a Opera, L'ELISIR D'AMORE" de Gaetano Donizetti , que terá lugar o sábado 10 de agosto ás 21:00 no auditorio do Pazo de Congresos, dentro do programa Vigo en Festas, poderánse recoller a partir do día de hoxe, luns 5 agosto, en horario de 9 a 13.30 horas, no servizo municipal de Festas (1º andar da Casa do Concello, Praza do Rei 1).
A Concellería de Cultura e Festas en colaboración coa Asociación Cultural Interfolc presenta o XIX Festival Folclórico Internacional que terá lugar do 6 ao 11 de agosto. O festival, incluído dentro do programa Vigo en Festas, celebrará a súa programación en diferentes lugares da cidade. O acto central será o día 9 de agosto no Auditorio Mar de Vigo, ás 22.00 horas.
Este venres 2 de agosto, rap, hip hop e reggae volven ao Castro da man de Xandre Ground e Ivo, no centro de dinamización xuvenil "Súbete ó Castro" e dentro do programa Vigo en Festas, a partir das 22 horas. O cartel complétase o sábado coa actuación de Fuck Paradise e Drug Rabbit.
O grupo madrileño, Fangoria, presenta en Vigo o seu novo traballo, "Cuatricromía". Tras a suspensión a semana pasada debido ao loito oficial, a nova cita será mañá venres 2 de agosto ás 23 horas, no Auditorio de Castrelos.
O alcalde informou este martes das novas datas do programa municipal "Vigo en Festas 2013" para os espectáculos que foron aprazados polo loito oficial decretado tras o accidente ferroviario en Santiago. Fangoria actuará en Castrelos este venres e a Coral Casablanca, o sábado.
O vigués, membro de número da Academia Española das Artes e das Ciencias da Música, é director da Coral Casablanca desde o ano 1988. Presidido polo alcalde de Vigo, o acto terá lugar mañá -ás 20 horas na Praza da Constitución- coa participación da propia Coral Casablanca.