O alcalde anunciou este xoves o envío dunha carta ao goberno de Núñez Feijóo solicitando un instituto para o populoso barrio vigués. Ademais, o goberno de Vigo demanda á Xunta que, mentres constrúe o instituto, o alumnado de Navia poida estudar en centros de Secundaria próximos á zona.
O alcalde deu conta esta mañá da ampliación ata 900 do número de bolsas de idiomas para alumnos de 3º da ESO, unha cifra á que hai que sumar outras cen achegas para alumnos da Escola de idiomas. O Concello aumentará en 340.000 euros a achega para cubrir o aumento de solicitudes de estudantes de Secundaria dado que se rexistraron 962, fronte ás 750 prazas previstas.
Abel Caballero visitou este venres unha escola de educación infantil con 300 nenos e nenas de entre tres e seis anos. Xunto á dirección e as responsables da ANPA, o alcalde coñeceu de primeira man os proxectos do centro e as propostas de mellora de instalacións. O Concello buscará fórmulas de cooperación coa escola.<br />
Abel Caballero respondeu este mércores ás preguntas do alumnado do CEIP Valle Inclán de Lavadores, nunha entrevista que lle realizaron no transcurso da súa visita ao centro educativo na que se interesaron polo seu labor á fronte do goberno da cidade. A dirección do centro e a ANPA trasladáronlle ao alcalde as necesidades do centro, destacando a cobertura do patio que corresponde á Xunta de Galicia, que de momento non lles deu resposta polo que, apuntou Caballero. "farémolo nós".
O alcalde de Vigo, Abel Caballero, destacou que as instalacións abertas polo Concello de Vigo tiveron o pasado ano un nivel de ocupación "excepcionalmente alto". Os meses de maio e decembro foron os de maior afluencia.
O alcalde explicou esta mañá que o Concello subvenciona o 82% do custo das escolas infantís municipais, de modo que cada usuario paga unha media do 18% do prezo de cada praza e máis da metade das familias non pagan nada. O custo de cada centro ronda o cuarto de millón de euros anuais. <br />
Abel Caballero informou este xoves da concesión da licencia de obras para erixir unha nova escola infantil en Areeiro, Bembrive. A construción corre a cargo da Fundación Amancio Ortega nunha parcela cedida polo Concello, que á súa vez encargarase da xestión e mantemento desta escola de 82 prazas.
As Escolas Infantís Municipais de Santa Cristina e Mestres Goldar recibiron o II Recoñecemento "Suso Jares" de programas e experiencias de convivencia escolar e de paz, nun acto no que Abel Caballero salientou que o 82% das prazas destes centros están subvencionadas polo Concello.
Abel Caballero achegouse este venres ao colexio Fonte Escura, en Cabral, visitou as súas instalacións e se reuniu coa dirección do centro. Os seus responsables agradeceron ao alcalde a recente instalación dun columpio adaptado para o alumnado.
"Paréceme moi ben que a Xunta de Galicia faga FP en Ourense pero onde hai demanda de verdade é en Vigo", asegurou o alcalde, quen esixiu do goberno autonómico un inmediato plan de choque de FP para atallar a demanda e, en segundo lugar, un programa intensivo estable que complete o xa existente. <br />