martes, 26 nov 2024
Abel Caballero explicou hoxe aos 43 alumnos de 5º e 6ª do CPR Alborada, que participan nas visitas do programa "Visita ou teu Concello", as numerosas vertentes da xestión municipal, desde a prestación dos servizos básicos como o subministración da auga, á promoción do emprego, entre outras, que inciden directamente na vida da cidadanía. O alcalde, no encontro no que participou a concelleira de Educación, Olga Alonso, relatou que iniciativas como a promoción do Nadal converteu a Vigo en referente mundial, e que unha das accións que centran o seu traballo é reclamar e conseguir a conexión ferroviaria directa por alta velocidade entre Vigo e Madrid coa construción da variante de Cerdedo.
luns, 25 nov 2024
A Corporación Municipal deu luz verde á moción socialista que demanda ao goberno autonómico a gratuidade total dos libros de texto para o alumnado galego e, amais, insta á Xunta a atender os centros educativos da cidade.
venres, 22 nov 2024
O goberno local solucionará os problemas de seguridade nos accesos ao Párroco don Camilo coa construción dun novo viario conectado coa estrada de Baiona (PO-552) que conta un orzamento aproximado de 1,3 millóns. Con ese obxectivo, a Xerencia de Urbanismo aprobará provisionalmente un Plan Especial de Infraestruturas.
xoves, 21 nov 2024
O alcalde recibiu este xoves, no Salón de Plenos aos 32 alumnos de sexto de Educación Primaria do CEIP Canicouva que participan no programa didáctico "Vista ou teu Concello". Caballero trasladou aos estudantes a importancia dos acordos que adopta a Corporación e o traballo que se desenvolve na administración local por incidir en importantes ámbitos dos servizos básicos que se prestan á cidadanía. Ao longo do programa máis de 2.500 estudantes de 50 centros participan nas visitas guiadas ao edificio consistorial.
xoves, 21 nov 2024
"A vosa formación e estudos van marcar toda a vosa vida. O que facedes hoxe aquí é unha parte central do que vos vai suceder nos próximos 50 anos". É a mensaxe central que dirixiu o alcalde de Vigo aos 160 alumnos de dez países que participan nas Olimpíadas Académicas Globeducate 2024, organizadas polo colexio O Castro British International School no Auditorio Mar de Vigo. Nun discurso, dirixido en inglés e castelán, o rexedor incidiu na transcendencia de dominar distintos idiomas, ademais de transmitirlles o seu desexo de que gocen da "fantástica" cidade de Vigo.
martes, 19 nov 2024
O alcalde explicou este martes aos 34 alumnos de quinto e sexto curso do CEIP Sárdoma Moledo que participan nas visitas guiadas ás principais dependencias do edificio consistorial, dentro do programa municipal "Visita ou teu Concello", a transcendencia para a vida da cidadanía viguesa de cada unha das decisións que se adoptan na institución local. Caballero animou ao estudantado para aplicarse na súa formación. No programa didáctico participan máis de 2.5000 estudantes de 50 centros docentes da cidade.
venres, 15 nov 2024
O alcalde deu conta do ranking publicado por Education First no que sitúa a Vigo na cabeza das cidades de España no coñecemento do idioma inglés.
martes, 12 nov 2024
O alcalde explicou este martes aos 52 alumnos de primeiro e segundo de educación secundaria do CPR Mercantil, que participan na actividade "Visita ou teu Concello", a transcendencia para a calidade de vida da cidadanía de Vigo das decisións que adopta a institución municipal. Nos percorridos polo edificio municipal, que este ano finalizarán o día 19 de decembro, participan máis de 2.500 alumnos de 50 centros escolares de quinto e sexto de primaria e de primeiro e segundo de Educación Secundaria.
martes, 29 out 2024
O alcalde deu a benvida ás alumnas do colexio Las Acacias que foron as primeiras nesta tempada do programa municipal “Visita o teu Concello”, no que escolares de 5º e 6 de Educación Primaria e 1º e 2º da ESO coñecen durante a mañá a actividade municipal e as instancias do consistorio. Nesta actividade participarán ao redor de 2.500 estudantes de 50 centros educativos.
luns, 28 out 2024
Os votos do PSOE e do BNG deron luz verde a unha moción socialista que insta á Xunta a planificar os recursos humanos no PAC para evitar situacións de desatención sanitaria. O PP votou en contra dun texto que destaca que as urxencias extra hospitalarias contan en moitas ocasións cun 25% do persoal.
