A FEMP acordou unha reforma da plusvalía que permitirá aos contribuíntes pagar un 20% menos e sempre no caso de que realmente obteñan beneficios na compra venda. Esta modificación, ademais, dotará de seguridade xurídica aos cidadáns e ás administracións locais.
O alcalde considera "incomprensible, indebido e intolerable" a decisión do Ministerio de Facenda de rebaixar a súa achega ao Consorcio en 17 millóns respecto ao ano anterior. <br />
O Pleno da Corporación deu luz verde este xoves ás contas do Concello para o próximo ano, que ascenden á cifra récord de 256,5 millóns e que reservan 34,7 millóns para investimentos. O goberno de Vigo citou como prioridades do documento a política social, os servizos públicos de calidade e o investimento xerador de emprego.
O alcalde felicitou aos promotores dos tres catálogos de pesca conxelada que esta mañá se presentaron na Cooperativa de Armadores. Estas publicacións son unha recopilación das accións que se están a levar a cabo en tres ámbitos: medio ambiental, económico e social.
O Concello de Vigo contará cun orzamento de máis de 256 millóns para 2018, un 10% máis do que recollían as contas do ano en curso. Tal e como recalcou o rexedor, este aumento rexístrase nunha situación de débeda cero, coa presión máis fiscal máis baixa de Galicia e con superávit durante sete anos consecutivos. Os investimentos pasan de 16 a case 34 millóns grazas a achegas da Unión Europea e da Deputación.
O edil de Facenda expuxo no Pleno celebrado este mércores o informe trimestral de Tesourería sobre o pago das obrigas, apuntando que Vigo paga aos provedores 12,4 días antes de que comece o prazo legal. Amais deu conta das Liñas Fundamentais do Orzamento de 2018 e da execución de gastos e ingresos do vixente.
O prazo de vixencia da colaboración entre o Concello e o IGVS esténdese catro anos máis. Co apoio de tódolos grupos municipais saíu adiante o cambio de uso de dúas parcelas do Plan Parcial Quirós para a construción dun pavillón en Sárdoma.
O alcalde avanzou esta mañá que o prazo de pago a provedores do Concello no mes de xullo foi de 17 días, mentres que o da Xunta de Galicia foi de 33 días, case o dobre. Tal e como explicou, Vigo pagou 13 días antes de que empecera o período contable da demora, é dicir, un mes despois do rexistro da factura, mentres que a Xunta o fixo 3 días despois.
No ano 2015, a media das axudas ou subvencións que a Xunta transferiu aos concellos galegos foi de 91 euros, mentres que Vigo recibía 30,91 euros, segundo un informe do Consello de Contas. Estes datos, segundo Caballero, amosan o estado de "abandono" da cidade por parte do goberno autonómico. <br />
Caballero valorou este venres en rolda de prensa que o Imposto de Actividades Económicas que se aplica no Concello de Vigo é "especialmente baixo" ao eximir do seu pago á 37.000 das 40.000 actividades rexistradas na cidade. O alcalde engadiu que o goberno local tamén bonifica aos autónomos.