A celebración do Día Internacional da Muller Traballadora o vindeiro 8 de marzo conta xa co apoio de todos os grupos municipais do Concello de Vigo. O BNG acadou este mércores os votos a favor do PSOE, PP e Marea de Vigo para aprobar a moción que presentou no Pleno Municipal da Corporación.
O alcalde participou este xoves na inauguración da xornada “O impacto do Brexit no sector metal en Galicia”, organizada por ASIME en colaboración co ICEX. O rexedor considerou negativa a saída, tanto para a Unión Europea como para o Reino Unido, mais instou á economía viguesa a entendelo como unha “oportunidade” empresarial.
A FEMP insiste en contar o antes posible cun decreto que permita a utilización do superávit de 2019 e en plasmar en termos lexislativos os acordos técnicos alcanzados en regra de gasto. A Federación solicitará reunións cos grupos políticos do Congreso para abordar con premura a modificación do imposto de plusvalías e o seu axuste ás sentenzas dos Altos Tribunais.
O presidente da FEMP mantivo un encontro este mércores coa ministra de Política Territorial e Función Pública, Carolina Darias, na que acordaron traballar para adaptar a normativa local á realidade municipal do século XXI, constatando que “estamos nunha nova dinámica e queremos que este sexa o mandato das corporacións locais”.
Abel Caballero puxo cifras aos acordos conseguidos polo alcalde e presidente da FEMP na Comisión Nacional de Administración Local celebrada este luns en Madrid, da que fixo unha valoración “extraordinaria”. Os quince millóns do superávit vigués de 2019 serán investidos este e o próximo ano, e o Concello contará con 250.000 euros máis de dispoñibilidade orzamentaria.
O alcalde e presidente da FEMP, Abel Caballero, amosouse "satisfeito" polo compromiso adquirido polo Goberno de España este luns, nunha Comisión Nacional de Administración Local na que tamén se aprobaron os obxectivos de déficit, débeda e regra de gasto.
Abel Caballero lembrou esta mañá que o Concello de Vigo recibe 6.437.962 euros como participación nos ingresos das comunidade autónoma, mentres que esta cifra se eleva a 78.240.600 se falamos dos ingresos do Estado. Ante esta situación, reclamou á Xunta que triplique as transferencias directas incondicionadas a todos os concellos galegos posto que esta situación é similar en toda Galicia.
O goberno de Vigo acordará mañá xoves a proposta, toda vez que o recurso administrativo non foi contestado polo goberno autonómico. Segundo recordou o alcalde, a Xunta obriga ao Concello a abonarlle máis de 200.000 euros anuais polas escolas infantís que xestiona o Consorcio autonómico en Valadares e rúa Palencia
Vigo sitúase unha vez máis como a cidade española que antes abona as súas facturas, cun prazo que en decembro foi de nove días, cando a media das corporacións locais é de 66 días. Os datos, ofrecidos polo goberno de Vigo no pleno deste mércores, indican que o Concello efectuou pagos por valor de 25 millóns no mes de decembro e en todo o ano pasado o importe foi superior aos 158 millóns.
O alcalde valorou este dato como indicativo da "eficiencia dun Concello" ao dar conta do pagamento de 25 millóns de euros aos provedores durante o mes de decembro.