Unha sentenza xudicial obriga ao hospital Álvaro Cunqueiro a pagar uns 970.000 euros do Imposto de Bens e Inmobles en 2019, tal e como lle reclama o Concello. Deste xeito, o TSXG dálle a razón ao goberno municipal na súa decisión de cobrar o IBI á sociedade concesionaria do centro hospitalario, ao ser unha empresa privada.
O alcalde respalda manter a actividade naval no espazo de Vulcano, un apoio que trasladou este xoves na Alcaldía aos integrantes do antigo comité de empresa do estaleiro e aos representantes de CCOO, UGT e CIG. O rexedor defendeu a “calidade técnica” do naval vigués, un “sinal de identidade” da cidade.
Abel Caballero asistiu ao Comité Executivo de Navalia onde felicitou á organización por ter conseguido “aguantar en momentos moi complicados, amosando hoxe o poderío da industria naval”, que se reflicte na ocupación xa de todo o seu espazo. “É un grande éxito”, apuntou, amosando a súa satisfacción e trasladándolle á organización o apoio do Concello para que Vigo siga sendo “unha cidade naval, de estaleiros e que volva ser un cheo total” nos días de celebración do evento. A VIII Feira Internacional da Industria Naval de Vigo desenvólvese do 19 ao 21 de maio no Ifevi e ten, nestes momentos, unha ocupación do 99,9% dos 23.000 metros cadrados dispoñibles.
O Pleno celebrado este mércores tomou coñecemento da liquidación do orzamento do pasado ano, que reflicte unha xestión municipal “sobresaínte”, en verbas do edil de Facenda, Jaime Aneiros, quen subliñou ademais o equilibrio orzamentario e o cumprimento do teito de gasto nas décimo segundas contas seguidas baixo o mandato de Abel Caballero.
A celebración do Día Internacional da Muller Traballadora o vindeiro 8 de marzo conta xa co apoio de todos os grupos municipais do Concello de Vigo. O BNG acadou este mércores os votos a favor do PSOE, PP e Marea de Vigo para aprobar a moción que presentou no Pleno Municipal da Corporación.
O alcalde participou este xoves na inauguración da xornada “O impacto do Brexit no sector metal en Galicia”, organizada por ASIME en colaboración co ICEX. O rexedor considerou negativa a saída, tanto para a Unión Europea como para o Reino Unido, mais instou á economía viguesa a entendelo como unha “oportunidade” empresarial.
A FEMP insiste en contar o antes posible cun decreto que permita a utilización do superávit de 2019 e en plasmar en termos lexislativos os acordos técnicos alcanzados en regra de gasto. A Federación solicitará reunións cos grupos políticos do Congreso para abordar con premura a modificación do imposto de plusvalías e o seu axuste ás sentenzas dos Altos Tribunais.
O presidente da FEMP mantivo un encontro este mércores coa ministra de Política Territorial e Función Pública, Carolina Darias, na que acordaron traballar para adaptar a normativa local á realidade municipal do século XXI, constatando que “estamos nunha nova dinámica e queremos que este sexa o mandato das corporacións locais”.
Abel Caballero puxo cifras aos acordos conseguidos polo alcalde e presidente da FEMP na Comisión Nacional de Administración Local celebrada este luns en Madrid, da que fixo unha valoración “extraordinaria”. Os quince millóns do superávit vigués de 2019 serán investidos este e o próximo ano, e o Concello contará con 250.000 euros máis de dispoñibilidade orzamentaria.
O alcalde e presidente da FEMP, Abel Caballero, amosouse "satisfeito" polo compromiso adquirido polo Goberno de España este luns, nunha Comisión Nacional de Administración Local na que tamén se aprobaron os obxectivos de déficit, débeda e regra de gasto.