Caballero anima a afrontar o Brexit como unha “oportunidade” para o sector do metal en Vigo

O alcalde participou este xoves na inauguración da xornada “O impacto do Brexit no sector metal en Galicia”, organizada por ASIME en colaboración co ICEX. O rexedor considerou negativa a saída, tanto para a Unión Europea como para o Reino Unido, mais instou á economía viguesa a entendelo como unha “oportunidade” empresarial.

xoves, 20 feb 2020
Acto en Asime.
Acto en Asime.

No acto de apertura participaron o secretario xeral de ASIME, Enrique Mallón, a subdelegada do Goberno en Pontevedra, Maica Larriba, e o alcalde de Vigo, Abel Caballero, encargado de pechar a inauguración.

A sede da Asociación de Industriais Metalúrxicos de Galicia (ASIME) acolleu este xoves o evento, organizado pola entidade e o ICEX España Exportación e Inversións. A cita incluíu debates e relatorios sobre as implicacións aduaneiras, a situación actual e as perspectivas de negociación entre as partes e as consecuencias do Brexit para o tecido empresarial do sector metal galego, entre outras.

Descargar todas as imaxes