Abel Caballero avanzou que este incremento na axuda ao deporte de base se repetirá nas contas do próximo ano, co obxectivo final de duplicar o apoio económico. O goberno de Vigo adica este ano 1,4 millóns ao deporte de base e outros 600.000 euros aos clubs de elite.
Abel Caballero recibiu no Concello ao corpo técnico e os xogadores do Divina Seguros Joventut de Badalona, que esta tarde participa no Memorial Quino Salvo, eloxiando o bo xogo do equipo, a súa capacidade para crear afección e os importantes valores que transmite este deporte. Así mesmo, puxo en valor a figura de Quino Salvo, a quen se homenaxea esta tarde no pavillón das Travesas, e amosou o seu interese en que sexa unha cita anual co baloncesto de calidade en Vigo.
O alcalde de Vigo presentou o que cualificou de "unha grande actividade deportiva", o programa municipal de escolas deportivas, que abrirá o prazo do curso 2016/17 o vindeiro día 1 de setembro, xoves, para a renovación de matrículas e que o día 14 iniciará de xeito pautado a apertura para novos alumnos. A tempada irá do 1 de outubro ao 31 de maio.
O alcalde presentou unha nova edición do Gran Premio Cidade de Vigo, proba que se celebra esta fin de semana en Areal (sábado 27) e na conexión Porta do Sol-O Castro (domingo 28) co patrocinio do Concello. O evento denomínase así dende os anos 70 baixo a organización do Club Ciclista Vigués e acadou a súa edición número 43.
Tras recibir este xoves a responsables do Club Piragüismo Olívico que lle presentaron o seu proxecto para desenvolver un centro educativo, experimental e deportivo nunha das naves abandonas da zona portuaria, Abel Caballero amosou o respaldo do seu goberno a esta iniciativa e tamén aos tres clubs piragüistas na potenciación deste deporte.
Caballero recibiu este martes a xogadoras, corpo técnico e directivos do club, campión da Liga de 2ª División Feminina, e transmitiulles a "felicitación" e o "orgullo" da cidade por ter un equipo deste "nivel de calidade" en Vigo, que representa ademais un "modelo" para tantas novas deportistas. <br />
O alcalde de Vigo, Abel Caballero, presentou esta mañá a terceira edición das 24 horas de Vigo, unha carreira popular no parque de Castrelos que 60 atletas, quince máis que o ano pasado, correrán de forma individual esta fin de semana do 27 e 28, e que máis de 700 farano en 60 equipos. Ao mediodía do sábado comezará a competición, cuns 800 participantes.
O alcalde de Vigo, Abel Caballero, presentou hoxe os actos do Memorial Quino Salvo, que baixo o patrocinio do Concello terá lugar o vindeiro 1 de setembro no pavillón central das Travesas en lembranza do que fora xogador vigués da ACB.
O alcalde da cidade, Abel Caballero, celebrou as Vodas de Platino, os 75 anos de historia do Campionato de Vigo (1941-2016), que do 17 ao 28 deste mes disputarase para todas as categorías e idades nas pistas do complexo deportivo municipal de Samil. O evento está aberto para todas as raquetas de Vigo e comarca.<br /> <br />
A quincuaxésima terceira edición da Regata Ribeiro - Rías de Galicia recibiu hoxe o respaldo institucional, a dous días do inicio dunha proba que o alcalde da cidade, Abel Caballero, definiu como "a mellor de España".