O Concello de Vigo iniciou negociacións con Le Figaro para que a regata de navegantes solitarios que organiza este importante xornal parisino se dispute nas nosas augas. Desta e doutras regatas trataron a alcaldesa, Corina Porro, e Carlos Sande e Manolo Seoane, representantes da Semana do Atlántico, nunha reunión mantida hoxe xoves.
A alcaldesa, Corina Porro, recibiu hoxe mércores no Concello a Tamara Abalde, xogadora de baloncesto do Celta Vigo Urban que vén de completar unha grande actuación nos europeos sub 16 celebrados en Polonia.
A exhibición terá lugar o domingo dende as sete da mañá. O nadador paralímpico recorrerá máis de dez quilómetros de ría, entre ondas e corrente para chegar a Samil nun tempo estimado de seis horas.
A semana do 30 de xullo ao 7 de agosto o mellor tenis feminino volverá ao complexo de Samil coa IV edición dos trofeos Cidade de Vigo e Rodosa, que se están a consolidar na cidade e prometen ampliar a súa dotación económica nos anos sucesivos.
A alcaldesa, Corina Porro, presentou hoxe xoves a colaboración de Valery Karpin e o Concello de Vigo co deportista paralímpico Chano Rodríguez de cara ás Olimpiadas de Pekín, que se celebrarán en 2008.
A alcaldesa Corina Porro celebrou unha recepción para estes rapaces deportistas de entre 14 e 16 anos que obtiveron 23 medallas quedando no mais alto do medalleiro dos xogos. Oporto foi segunda e a anfitriona Santiago de Compostela, terceira.
Entre o 14 e o 17 de xullo, a ría de Vigo acollerá o Gran Premio Galicia 2005, integrado no Campionato do Mundo Multicascos 60’. Será a primeira vez na historia un porto español sexa escenario dunha regata destas características. As competicións de multicascos 60’ están consideradas unha das máis espectaculares do mundo da náutica: a fórmula 1 da vela.
O Club Baloncesto Vigo organiza, co patrocinio do Concello, do Círculo Mercantil, Faro de Vigo e Caixanova, a IV edición do seu Campus de Basket, destinado a nenos e mozos nados entre 1988 e 1995 e que terá lugar na Cidade Deportiva do Círculo Mercantil do 7 ao 14 de agosto.
106 deportistas de Vigo participarán no Xogos do Eixo Atlántico que se celebrarán na súa VI edición en Santiago de Compostela do 11 ao 16 de xullo. A concelleira de Deportes, Lucía Molares , ofrece unha recepción aos participantes o venres, ás 13 horas, na galería da alcaldía de Vigo.
A concelleira de Deportes, Lucía Molares, presentou hoxe mércores o XXVI Trofeo "Cidade de Vigo" de Atletismo en Pista, que se disputará o próximo martes 12 de xullo a partir das 20:00 no Estadio Municipal de Balaídos.