O goberno dirixido por Abel Caballero prorrogou por un ano o contrato para as seis instalacións e a prestación de docencia nas piscinas de Travesas, Teis, Lavadores e Valladares e nos ximnasios do Berbés e do Carme. Ademais, o Concello validou unha subvención por 47.000 euros ao Vigo Voleibol.
“Dentro e fóra. Un achegamento á representación do espazo na plástica contemporánea” abre este venres as súas portas na Pinacoteca municipal Francisco Fernández del Riego, con obra de Maside, Minguillón, Lugrís ou Colmeiro. Da colección propia do Concello, a exposición propón dúas miradas complementarias sobre o lugar, configuradas ao redor do espazo aberto e do pechado.
O alcalde deu conta das actividades previstas para conmemorar a xornada de hoxe, que se desenvolve co lema “O futuro dos museos: recuperar e reimaxinar”, e apuntou a colaboración dos museos vigueses co Raíña Sofía e o Museo Estremeño e Iberoamericano de Arte Contemporánea.
O vindeiro martes, 18 de maio, conmemórase a xornada en todo o mundo, este ano baixo o lema “O futuro dos museos: recuperar e reimaxinar” e tanto o Marco como o Museo Liste súmanse á celebración con talleres e visitas guiadas nas súas instalacións.
O artista británico vén de pospoñer a súa xira internacional ao próximo ano, onde presentará o seu espectáculo “Sting: My Songs”, con parada na cidade o 6 de agosto de 2022. Para o alcalde, será “un día memorable” no que se celebrará “o máis importante concerto na historia de Castrelos”.
O Concello continúa coas actividades conmemorativas do día das Letras Galgas, que este ano distingue a poetisa viguesa -nacida en Sarria – Xela Arias. Xunto coa nai, Amparo Castaño, o presidente da RAG, Víctor Freixanes, e a presidenta da Deputación, Carmela Silva, o rexedor descubriu un emblema que manterá a memoria desta artista entre as rúas de Vigo para sempre.
Na presentación do seu ciclo de primavera, Abel Caballero plasmou publicamente “un compromiso firme: imos reforzar o apoio á Orquestra Sinfónica Vigo 430”. A formación ofrecerá tres actuacións no MARCO e no auditorio municipal do Concello, acompañada de solistas internacionais.
O alcalde presentou en rolda de prensa medio centenar de propostas coas que o goberno de Vigo quere “rememorar a Xela para traela dende a memoria ao presente activo da cidade”. As actividades esténdense ao resto do ano porque “o Día das Letras Galegas é o luns pero é o ano de Xela Arias”, sinalou Caballero.
As rúas de Vigo acolleron o ano pasado a rodaxe de 26 producións audiovisuais un balance que nos sitúa como un referente galego na xeración de contidos audiovisuais. Esta tarde, o rexedor recibirá á responsable dunha de Bambú Producciones, que está a rodar na cidade a serie Un asunto privado.
Anunciouno este mércores o alcalde, quen agradeceu a autorización concedida pola familia da autora homenaxeada este ano. Vinte anos despois, as verbas de Arias volverán plasmarse na celebración dun 17 de Maio, Día das Letras Galegas.