Coa obra "Sempre ao lonxe", interpretada pola compañía Mofa e Befa, continúa mañá, 14 de marzo, a programación estable de teatro para adultos para o primeiro semestre de 2008, posta en marcha pola Concellería de Cultura e Animación Sociocultural. As representacións, que terán lugar no Auditorio Municipal ás 21:00 horas, serán mañá e pasado, 14 e 15 de marzo.
O gran interese que a mostra "Artifex. Enxeñería romana en España" ten despertado no público vigués amósase no feito de que dende a súa inauguración o pasado 27 de febreiro e ata o 11 deste mes de marzo foron 675 persoas as que se achegaron ao Museo de Castrelos para coñecer o legado técnico da enxeñería romana a través das súas innovacións e logros en diversos ámbitos.
A presentación do Museobús, iniciativa de Vitrasa e da Fundación Laxeiro, contou coa presenza do alcalde de Vigo, Abel Caballero, e o concelleiro de Cultura, Xesús López. O obxectivo do proxecto é achegar a obra de Laxeiro aos cidadáns e visitantes de Vigo. Dous dos autobuses levarán rotulada a obra do pintor tamén no exterior dos mesmos.
A Casa das Artes acolle dende mañá 14 de marzo e ata o vindeiro 13 de abril a exposición "Algoritmi dixit", do artista Darío Basso. Trátase dun proxecto integrado por unha instalación que envolverá o patio interior da Casa das Artes e dous vídeos con música de instrumentos exipcios (nay), ademais de imaxes do proceso pictórico levado a cabo polo artista galego, ocupará un contorno expositivo que desaparecerá baixo unha tonelada de pintura que o cubrirá por completo.
No limiar do Casco Vello e ás portas da festa da Reconquista de Vigo, a Casa Galega da Cultura acolle dende mañá 13 de marzo e ata o vindeiro 6 de abril a exposición "Entre teas da Reconquista", integrada por pinturas do artista Xabier Lemos e traxes do obradoiro de Patricia González. A inauguración desta mostra, prevista ás 20 horas, enmárcase no conxunto de actos programados con motivo da festa Reconquista deste ano.
Baixo o título de "O misticismo nas culturas europeas", o Ciclo de Música Sacra de Vigo celebrará a súa oitava edición cunha serie de catro concertos na igrexa de María Auxiliadora do luns 10 ao sábado 15 de marzo. Destaca a presenza do conxunto Barbara Furtuna, que por primeira vez traerá a unha cidade española as súas polifonías corsas.
Bajo el título de "El misticismo en las culturas europeas", el Ciclo de Música Sacra de Vigo celebrará su octava edición con una serie de cuatro conciertos en la iglesia de María Auxiliadora del lunes 10 al sábado 15 de marzo. Destaca la presencia del conjunto Barbara Furtuna, que por primera vez traerá a una ciudad española sus polifonías corsas.
Dende o pasado día 27 de febreiro e ata finais de abril está aberta no museo municipal a exposición "Artifex. Enxeñería romana en España", na que se efectúa, a través de paneis e maquetas, un percorrido polos diferentes avances técnicos do mundo romano na construción de calzadas, acuedutos, pontes e outras infraestruturas.
Desde el pasado día 27 de febrero y hasta finales de abril está abierta en el museo municipal la exposición "Artifex. Ingeniería romana en España", en la que se efectúa, a través de paneles y maquetas, un recorrido por los diferentes avances técnicos del mundo romano en la construcción de calzadas, acuedutos, puentes y otras infraestructuras.
"Paraísos Indómitos", unha coprodución do MARCO e o Centro Andaluz de Arte Contemporáneo, abordará a partir deste venres no museo vigués a relación do ser humano coa natureza. Vinte artistas de diversas procedencias explorarán nesta exposición a súa relación coa terra na que habitan, operando con diferentes puntos de vista, dende a visión romántica ao testemuño documental, dende unha concepción utópica ao activismo en defensa do medio natural.