Abel Caballero e Marta Fernández-Tapias mantiveron este martes a súa primeira xuntanza “nun ambiente cordial” no que o rexedor lle pediu á delegada “que defenda a cidade” e que “será benvido todo aquilo que poida facer por Vigo”.
O alcalde insta á Xunta de Galicia a que envíe os recursos que corresponden á cidade para "levar adiante o modelo Valencia na súa totalidade", complementando os recursos cos do Concello e seguindo o criterio de distribución aplicado nesa comunidade autónoma.
Un total de 114 persoas están acollidas a día de hoxe nos albergues e hostais da cidade a cargo do Concello. Ademais, o alcalde sinalou que foron aprobadas novas axudas de emerxencia para atender as necesidades das familias viguesas e que o importe total desde o inicio da pandemia suma xa máis de 1,6 millóns de euros.
Abel Caballero apunta que é "obriga" do goberno autonómico a desinfección Covid e para ese fin recibiu recursos do Estado polo que censura que a Vigo non teña chegado "nin un euro dos centos e centos de millóns" transferidos cando a cidade investiu máis de 1,5 millóns de euros en tarefas de desinfección.
Abel Caballero ofreceu este martes os datos de usuarios no transporte urbano vigués no 2020, que rexistra unha caída do 42,7% con respecto ao 2019, un total de 9,5 millóns de viaxeiros menos por mor da pandemia. “Demandamos do Goberno de España unha compensación polo déficit que significa”, argumentou o rexedor.
Abel Caballero advertiu este luns de que os datos da expansión do coronavirus na cidade de Vigo e na súa área sanitaria indican un novo repunte. “Temos que extremar as precaucións”, sinalou antes de amosar a súa preocupación pola existencia de pequenas festas en domicilios particulares.
Logo do apagado da iluminación da cidade, Abel Caballero fixo balance destas semanas nas que non se rexistraron incidencias e nas que “funcionou moi ben a coordinación entre os controladores na rúa e o control das cámaras” para supervisar o aforo.
Abel Caballero informou de que se habilita unha plataforma para lograr unha cita previa e poder ver en directo a Cabalgata que se celebrará o vindeiro martes, 5 de xaneiro, na Avenida de Castelao, entre a Praza de América e a rotonda do barco Alfageme.
A través do programa Vigoemprende, o goberno municipal pon a disposición do sector hostaleiro un servizo de asesoramento e xestión gratuíto para que poidan acceder ás axudas do Goberno de España.
Abel Caballero informou de que a Policía Local impuxo entre o xoves 24 de decembro e o domingo 27 un total de 95 propostas de sanción por incumprimento das normativas “covid”. O alcalde tamén destacou as denuncias contra 15 persoas que celebraban unha festa no baixo dunha cafetería.